Бугун Ўзбекистон Республикаси-иқтисодиёти бозор иқтисодиётига асосланган, тўхтовсиз ривожланаётган давлат

Тароз қурилмаларини техник назорат қилиш. Темир йўл транспортида қўлланилаётган барча тарози ва вазн ўлчаш қурилмалари соз ҳолатда бўлиши, давлат томонидан қўйилган текширув клеймолари бўлиши керак. Бузуқ ҳамда давлат томонидан қўйилган клеймо муддати ўтиб кетган тарозидан фойдаланиш маън этилади.
Барча вазн ўлчаш қурилмалари техник ҳолатидан қатъий назар, участка тароз бригадаси томонидан режали-огоҳлантириш таъмиридан ўтиб тургизилиши лозим. Бундай бригадага назорат-ўлчов ускуналари ва автоматика бўйича раҳбар слесар, бошчилик қилади.
МТУ тароз хўжалиги ревизор инструктори барча тарози бригадалари ишига бошчилик қилиб, тарозидан тўғри фойдаланиш ва унинг техник аҳволини назорат қилиб боради.
Ревизор-инструктор қарамоғида 2 ва ундан ортиқ умумий узунлиги 1500 км ли ташкил этган участка бўлади. Темир йўлда тароз хўжалигининг техник бошқарувига, коммерция ишлари ва контейнер хизмати ревизори ёки бош ревизори жавобгарлик қилади.
Тарозиларни қайта жиҳозлаш уларни таъмирлаш ва бошқа ишлар учун тарози устахоналари мавжуд.
Тарози устахоналарида барча ускуналар ва таъмирлаш учун керак бўладиган станок қурилмалари бўлиши лозим.
Тароз текшириш вагон (2.9 расм) вагон тарозиларини давлат ва корхона текширувидан ўтказиш учун қўлланилади.

Расм 2.9. Тароз текшириш вагони

Ёриқ станционар тарозиларни текшириб кўриш учун махсус тароз текшириш лабораториялари мавжуд. Бу лаборатория автофургонга жойлаштирилган бўлиб, у ерда намуна тарози ва тошлари мавжуд бўлади.

Темир йўлда «вагон лаборатория»лар мавжуд бўлиб, бу лаборатория темир йўлда ишлатиладиган барча тарозиларни текшириш, таъмирлаш ҳамда уларга клеймолар қўйиш ва уларни назорат қилишга масъулдирлар.
Клеймо қўйиш ва тошларга икки томонлама намунали клеймоларни қўйиш давлат стандарти аъзолари томонидан намуна тарозисида амалга оширилади.
Тарозиларни таъмирлаш ва назорат ва текшириш муддатлари қуйидагилар.
Ўртача таъмир-2 йилда 1 марта.
Йиллик таъмир-йилда 1 марта.
Кўздан кечириш, текшириш-йилда 6 марта.
Булардан ташқари нон, озиқ-овқат экспорт юкларини давлат кўригидан ўтказиш ва клеймолаш йилда 2 марта, қолганлар учун эса 2 йилда 1 марта.