Бугун Ўзбекистон Республикаси-иқтисодиёти бозор иқтисодиётига асосланган, тўхтовсиз ривожланаётган давлат

17.11. Юкбагажни ташишга қабул қилиш ва эгасига топшириш

Юкбагажни топшириш учун (темир йўлда ташиш учун) жўнатувчи ДС га ёки вокзал бошлиғи номига ариза ёзиб қуйидагиларни кўрсатиши керак:

1. 
   жўнатиладиган юкбагажнинг оғирлиги, неча жойда ва жойлаштирилиши;
   
2. 
   юк номи (хўжалик юклари);
   
3. 
   қайси станцияга (темир йўлга) жўнатилади;
   
4. 
   юк қабул қиладиган шахс ёки корхона (шахс фамилияси, исми, турар жойи ва почта индекси);
   
5. 
   юк юборувчининг фамилияси, исми, турар жойи, почта индекси;
   
6. 
   темир йўл юқоридаги ахборотларни ёзиб бериш учун маълум бир миқдордаги пулга бланкаларни бериш мумкин.
   

ДС ёки вокзал бошлиғи юкбагажни ташишга рухсат беришгандан сўнг улар қайси (кун, ойда, соатда) вақтда қабул қилишини эълон қиладилар ва аризага ёзиб беришади.
Юкбагажни қабул қилиш белгиланган йўл билан расмийлаштирилади ва юк жўнатувчига квитанция берилади, унда жўнатувчи ва юк қабул қилиб олувчининг адреслари кўрсатилади ва квитанцияда «Юк жўнатувчининг аризасига биноан» деб ёзилади (чунки йўл чиптаси йўқ).
Темир йўл ходимлари юкни кўришни хоҳлашса ўралган юкни очиб кўришга ҳақли, агар юк жўнатувчи бунга йўл қўймаса, юкбагаж ташишга қабул қилинмайди. Юкбагажнинг ҳамма жойларига керакли тамғалар босилиб, керакли тахтачалар (бирка) осиб қўйилиши шарт.
Хатарли юклар, радиоактив моддаларни йўловчи поездларда ташишга йўл қўйилмайди.
Юкбагажни йўналишини ва бошқа томонга ўзгартирилиб жўнатишга рухсат берилмайди.
Юк келган станция телефон ёки буюртма қилинган хат орқали эгасига хабар бериши шарт. Бир хил вақтларда хабар телеграмма шаклида ҳам юборилиши мумкин, бунинг учун қўшимча пул олинади.
Корхона ва идоралар номига келган юкбагаж уларнинг ходимларига бир мартага берилган ёки кўп муддатли ваколатномалар орқали ўз ҳужжатини кўрсатган ходимга берилади. Бу ваколотнома (ишончли қоғоз) корхона бошлиғи ва бош ҳисобчиси томонидан қўл қўйилиб тасдиқланган бўлиши керак. Бир марта юкбагаж олиш учун берилган ваколатнома корхона ходимидан олиб қолинади.
Юкбагажни олиш вақтида юкбагаж квитанциясини кўрсатиш талаб қилинмайди.
Маълум шахс номига келган юкбагажни ўзи ёки унинг ишонч қоғози билан бошқа кимса паспортини кўрсатгандан сўнг, йўл ведомости орқа томонига тилхат ёздириб, паспорт номери ва бошқа керакли ахборотларни ёзиб бергандан сўнг берилиши мумкин.
Юкбагаж эгаси уни олиш вақтида оғирлигини текшириб кўришни илтимос қилиши мумкин (маълум бир миқдордаги тўловга) агар камчилик чиқмаса.