Бугун Ўзбекистон Республикаси-иқтисодиёти бозор иқтисодиётига асосланган, тўхтовсиз ривожланаётган давлат

Омборларни жойлаштириш. Темир йўл омборларини индустриал усул лойиҳаси бўйича заводларда тайёрланган конструктив элементлар ва уларни механик монтажлаш асосида қурилади.
Омборларнинг конструктив элементига, асослар, деворлар, колоннали усуллар, поллар, эшиклар ва дарвозалар, ойналар, ёритгичлар, зина поллар ва бошқалар киради.
Омбор иншоатларининг асоси мустаҳкам бўлиши керак, шунинг учун уни бетон, темир бетон, ғишт ва бошқа, чўкиш ҳолатида бузилиб кетмайдиган материаллардан қурилади.
Омбор деворлари эса ғиштдан, бетон блоклардан, темир бетонлардан ва табиий тошлардан қурилади.
Эшиклар продол деворларга ўрнатилади, агарда омборимизга очиқ ёки ёпиқ платформа туташган бўлса, у ҳолда эшиклар ёнбош деворларга ўрнатилади. Эшиклар бўйича 3.6 метр ва кенглиги 2.5 метр. Эшик ўқлари орасидаги масофа 12 метр.
Ёпиқ омборлар қурилиши лойиҳасида автотранспорт келадиган томондан ҳар 18 метрда суриб очиладиган эшиклар ўрнатилади. Улар қўлда очиладиган ёки механик бўлиши мумкин ва эшикнинг кенглиги 4 метр ва баландлиги 3 метр бўлади.
Омборларда ҳар 36 метрдан кейин ёнғин хавфсизлиги учун эшиклар ўрнатилади. Омборлар комплекс механизациялашни қўллашда унинг поллари жуда катта аҳамиятга эгадир. Омбор поли асос (табиий тупроқ) текислаш қавати (қум, шағал, бетон) ва устки қават (асфальт, цементобетон)лардан иборат. Поллар механик ҳамда кимёвий таъсирларга нисбатан бақувват бўлиши, ишқаланишдан тураб кетмаслиги, текис ва тўғри бўлиши ва сирпанчиқ бўлмаслиги керак.
Усти ёпиқ омборларнинг асосий элементларидан бири бу рампалардир. Улар юкни бир жойдан иккинчи жойга ўтказишда ва ортиш тушириш ишларини бажарувчи механизацияларни ишини тезлатишда жуда қулайдир. Рампаларнинг кенглиги, темир йўл тарафдан 3 метр, автомобиллар келадиган тарафдан эса 1,5 метрдан кам бўлмаслиги керак.
Темир йўл транспортига хизмат кўрсатишда тўғри қилиб қурилади, автомобиллар учун эса ҳам тўғри, ҳам бўртиқ (яъни 30-40° бурчак остида) қурилади. Бундан ташқари чўнтакли қилиб (яъни автомобилларни 90° бурчак остида қўйиш учун) қурилади.
Бундай бўртиқ ва чўнтаксимон қилиб қурилган рампалар омборларни узунлаштирмасдан туриб юк тушириш ва ортиш фронтини кучайтириш имконини беради.
Юкларни ёғин сочинлардан эҳтиёт қилиш мақсадида рампаларнинг тепа ва олд қисмига соябонлар ўрнатилади. Улар омбор билан вагон орасидаги оралиққа ўрнатилади. Темир йўл транспорти томонидан эса соябонлар, бутун рампаларни ва вагонларни ярмигача ёпиб турадиган қилиб ўрнатилган.