Budjetni ko‘rib chiqish va tasdiqlash, uni amalga oshiruvchi organlarning vakolatlari va vazifalari. Budjet jarayoni to‘g‘risida tushuncha

Byudjet jarayonining oldiga quyidagi muhim vazifalar qo‘yiladi:

• Muvozanatlashtirilgan bozor sari keskin taraqqiyotga erishish maqsadida barcha moddiy va moliyaviy rezervlarni qidirib topish;
• Alohida soliqlar va boshqa to‘lovlar bo‘yicha, shuningdek, ijtimoiyiqtisodiy rivojlanishning bashorat-lari va maqsadli dasturlariga muvofiq byudjet daromadlari va ularning umumiy hajmini aniqlash;
• Maqsadga mo‘ljallanganligi bo‘yicha, shuningdek, byudjetda ko‘zda tutilgan umumdavlat ahamiyatiga ega bo‘lgan barcha tadbirlarni uzluksiz moliyalashtirish ehtiyojini inobatga olgan holda byudjet xarajatlari va ularning umumiy hajmini belgilash (o‘rnatish);

.

• iqtisodiyotdagi inflyasion tendensiyalar va pul-kredit tanazzulini bartaraf etishga, milliy pul birligining barqarorligini ta’minlashga yo‘naltirilgan moliyaviy baqarorlashtirishning umumiy dasturini byudjet bilan muvofiqlashtirish;
• iqtisodiy jihatdan maqsadga muvofiq bo‘lgan manbalar hisobidan byudjet taqchillikiga barham berish yoki uni qisqartirish;
• iqtisodiy mintaqalar, xo‘jalik sohalari va byudjetlar o‘rtasida davlat daromadlarining manbalarini qayta taqsimlash yo‘li bilan turli darajadagi byudjetlarni balanslashtirish maqsadida byudjetli tartibga solishni amalga oshirish;
• keng ko‘lamli barcha ijtimoiy-iqtisodiy dasturlarning balansliligi va proporsionalligini ta’minlashga imkon beradigan istiqbolli byudjetli rejalashtirishning rolini oshirish;
• soliq majburiyatlarini bajarishda alohida fuqarolar daromadlari va yuridik shaxslarning moliyaviy faoliyatlari ustidan nazoratni ta’minlash;
• zamonaviy elektron hisoblash texnikalaridan keng foydalanish asosida va moliyaviy hisob-kitoblarning avtomatlashtirilgan tizimi orqali byudjetlarni tuzish va ijro etish jarayonlarini avtomatlashtirish va boshqalar.

Byudjet jarayonining ishtirokchilari quyidagilar hisoblanadi:

• Mamlakat Prezidenti va qonunchilik (vakillik) hokimiyat organlari;
• Ijroiya hokimiyat organlari (mamlakat sub’ektlarining yuqori mansabdor shaxslari, mahalliy o‘zini-o‘zi boshqarish organlari rahbarlari, moliya organlari, byudjet daromadlarini undirish bilan shug‘ullanadigan organlar va boshqa vakolatli organlar);
• Pul-kredit tizimini tartibga solish organlari;
• Davlat va mahalliy nazorat organlari;
• Davlatning byudjetdan tashqari jamg‘armalari;
• byudjet mablag‘larini - bosh taqsimlovchilar, taqsimlovchilar va boshqalar.