Budjet hisobi va g’aznachilik ishi” kafedrasi “budjet hisobi” Fanidan O’quv–uslubiy majmua

27 – jadval
Mavzuga doir buxgalteriya o‘tkazmalari:

№	Muomalalar mazmuni	Dt	Kt	Asos bo‘luvchi xujjat
1	Dam olish uylari, sanatoriylar uchun yo‘llanmalar sotib olinganda	132	Pul mablag‘lari yoki hisob kitoblar subschyotlari	Hisobvaraqlardan ko‘chirma
2	Sotib olingan dam olish uylari, sanatoriylar uchun yo‘llanmalar xodimlarga ish haqi hisobiga sotilganda	173	132	Buxgalteriya ma’lumotnomasi, xodim arizasi
3	Mehnat daftarchasi va boshqalarning sotilishi	Pul mablag‘lari yoki hisob kitoblar subschyotlari	132	Hisobvaraqalardan ko‘chirma
4	Pul ekvivalentlari xarajatlarga o‘tkazilib hisobdan chiqarilishi	231, 241, 251, 261, 271	132	Dalolatnoma, tarqatish qaydnomasi, buxgalteriya ma’lumotnomasi

Analitik hisobi (mehnat daftarchalari blankalari va uning ilovalardan tashqari) ularning turlariga qarab 292-son shakldagi joriy hisoblar va hisob-kitoblar daftari (kartochkasi)da yuritiladi. Mehnat daftarchalari va uning ilovalari hisobi 448-son shakldagi qat’i hisobot blanklari bo‘yicha daftarda yurtiladi.
Budjet tashkilotlarida moliyaviy qo‘yilma sifatida vaqtincha bo‘sh turgan Budjetdan tashqari mablag‘larini banklarga depozitga qo‘yilishi aks ettiriladi. Ular hisobiga olinadigan daromadlar tegishli tartibda buxgalteriyada hisobga olinadi. Buxgalteriya hisobida moliyaviy qo‘yilmalar 14 “Moliyaviy qo‘yilmalar” schyotining 140 “Depozitga qo‘yilgan pul mablag‘lari” subschyotida yuritiladi. Bu schyotning debet tomonida depozitga qo‘yilgan pul mablag‘lari, kredit tomonida depozitga qo‘yilgan pul mablag‘larini qaytarilishi aks ettiriladi.