Budda sanʼati
Budda sanʼati — qadimda va oʻrta
asrlarda buddizm tarqalgan
mamlakatlarda ushbu din taʼsirida va
uning gʻoyalarini targʻib qilish jarayonida
vujudga kelgan sanʼat. Budda sanʼati
dastlab Hindistonda paydo boʻlgan,
keyinchalik Shri Lanka (Seylon),
Indoneziya, Myanma (Birma), Tailand,
Yaponiya, Xitoy, Kamboja (Kampuchiya),
Koreya va boshqa mamlakatlarning
afsona va marosimlarida turlicha talqin
etilgan. Ilk buddizm davri B. yeda Budda
oʻrniga kad. hindlarning osmon jismlari
bilan boglik tasavvurlariga asoslangan
turli ramzlar (gʻildirak, sher, muqaddas
daraxt kabilar) tasvirlangan. Buddani
inson qiyofasida tasvirlash milod
boshlarida Gandhara va Matxuri
sanʼatidagina paydo boʻldi (yana q.
Gandhara sanʼati), keyinchalik koʻp
mamlakatlarda haykaltaroshlik va
rassomlik sanʼatida uning turli qiyofalari
yaratildi
. B. yeda asosiy shaxs Budda —
din asoschisi shahzoda Siddhartha
Gautama boʻlib, u sanʼat asarlarida
asosan uch holatda tasvirlanadi: tik
turgan Budda — voiz; chordona qurib
oʻtirgan Budda — fikrxayolga chumgan
mutafakkir; yotgan Budda — yorugʻ
dunyodan koʻz yumgan Budda.
Hindistonda Budda bilan bogʻliq
sanʼatning qad. yodgorliklari yuzaga
kelgan, ramzlar va obrazlar doirasi, budda
inshootlari — meʼmorlik, haykaltaroshlik,
rangtasvirning uziga xos uygunligini
yaratgan gor ibodatxonalari, Budda
hayotiga oid afsonaviy voqealar
sharafiga qurilgan va muqaddas
yodgorliklarni saqlagan stupalar; gʻor
ibodatxonalari va stupalarga uxshash
yodgorliklar (pagoda, dagoba, suburgan
va boshqalar) boshka mamlakatlarda
keng tarqalgan. Xitoy, Yaponiya,
Koreyada turli xil yogʻoch ibodatxonalar
tipi yaratildi, buddizm mazmunidagi
mahobatli rassomlik bilan birga dastgoh
rassomligi ham rivojlandi. Indoneziya,
Kamboja va boshqalarda Budda bilan
bogʻliq tosh ibodatxonalar va ibodatxona
ansambllari, Hindiston, Birma, Nepalda
monastir majmualari, Tibet, Moʻgʻuliston,
Buryatiya va boshqalarda lamaizm
monastir ansambllari yuzaga keldi.
Markaziy Osiyoda buddizm milod
boshlaridan keng tarqalgan. Oʻzbekiston,
Tojikiston, Turkmenistan, Qirgʻiziston
hududidan oʻrta asrga oid Budda sanʼati
yodgorliklari topilgan. Kushan podsholigi
hududida yashagan xalqlar turli dinlar
qatori buddizm diniga eʼtiqodda
boʻlganligi aniqlangan. Kushan
tangalarida buddizmga oid shaxslar
tasvirlangan. B. yeda mahobatli
qurilishlar (koʻpincha budda monastirlari
qurish) katta oʻrin tutgan, ular haykallar
va devoriy rasmlar bilan bezatmpgan.
Ayritomdan yer osti monastiri
(sangarama), Qoratepashm — gor
ibodatxona (vihara), shuningdek
Chingiztepa, Dalvarzintepadan qad. gʻor
monastirlar majmuasining qoldigʻi
topilgan. Topilmalar orasida ohaktoshga
oʻyib ishlangan, ganch va loydan
tayyorlangan haykallar, rangli devoriy
rasmlar va Budda sanʼati ga xos boshqa
sanʼat qoldiqlari bor. Jumladan,
Zurmalaminorasi Budda stupasining
qoddigʻi hisoblanib, u uch qavatli boʻlgan
deb taxmin qilinadi. Budda sanʼati
namunalari qayerdan topilganligidan qati
nazar shaklan va mazmunan oʻxshash
boʻlgan.
Bahodir Turgʻunov.
OʻzME. Birinchi jild. Toshkent, 2000-yil
Ko‘proq o‘rganish Ushbu maqolada
Oʻzbekiston milliy ensiklopediyasi (2000-
2005) maʼlumotlaridan foydalanilgan.
Adabiyotlar
So‘nggi tahrir 4 oylar avval IluvatarBot tomonidan amalga oshirildi
Matndan CC BY-SA 3.0 litsenziyasi boʻyicha
foydalanish mumkin (agar aksi koʻrsatilmagan
boʻlsa).
Ushbu maqola chaladir. Siz uni boyitib,
Vikipediyaga yordam berishingiz
mumkin.
Bu andozani aniqrogʻiga almashtirish kerak.
"
https://uz.wikipedia.org/w/inde
x.php?
title=Budda_sanʼati&oldid=205468
5
" dan olindi
Do'stlaringiz bilan baham: |