Bu yerga siz maqola bergan jurnal yoki Konfrensiya yoziladi

“Navoiy izdoshlari”; ikkinchi guruh: “Atoiy she’riyati shaydolari”. Masalan, 9-sinfda Navoiy lirikasini o‘rganishda quyidagicha foydalanish mumkin: 1-guruh: Navoiy.Ul sanamkim, suv yaqosinda paritek o‘ltirur, G‘oyati nozuklikindin suv bila yutsa bo‘lur. 2-guruh. Bu gulshan ichra yo‘qtur baqo guliga sabot, Ajab saodat erur chiqsa yaxshilik bila ot. O‘yin shu tarzda davom etadi. Ushbu o‘yin o‘quvchilarda she’riyatga nisbatan qiziqish uyg‘otadi. She’riyatga bo‘lgan ijodiy yondashuvni o‘stiradi, ifodali o‘qishga malakalarini oshiradi. Adabiyot darslarida bunday o‘yin texnologiyalarini qo‘llash, ulardan foydalanish juda katta samara beradi. O‘quvchilarning bunday darslarda qo‘llaniladigan o‘yin texnologiyalari orqali dunyoqarashi kengayadi, faolligi kuchayadi, bilim va ko‘nikmalari mustahkamlanadi. eng muhimi, adabiyot darsiga, badiiy adabiyotlarni o‘qishga qiziqish kuchayadi.
Ma’lumki 10-sinf uchun yangi nashr qilingan Adabiyot darsligida Boburning hayoti va ijodini o‘rganishga alohida e’tibor qaratilgan. Mavzu ko‘lamidan kelib chiqqan holda quydagi usuldan foydalanishimiz mumkin
“Shoh va Shoir Bunda birinchi guruh nomi “Shoh”, ikkinchi guruh nomi “Shoir” deb nomlanadi. Har bir guruhga berilgan nomidan kelib chiqib savollar beriladi. “Shoh” guruhiga beriladigan savollar: 1. Boburning avlodlar shajarasini tuzing. 2. Boburning o‘z yurtidan bosh olib ketish sabablarini ko‘rsating. 3. Boburning Hindistonda amalga oshirgan obodonchilik ishlari. 4. Bobur va Shayboniyxonga qiyosiy tavsif bering. “Shoir” guruhiga savollar: 1. Bobur qanday devonlar tuzgan? 2. Xazon yafrog‘i yanglig‘ gul yuzing hajrida sarg‘aydim, Ko‘rub rahm aylagil, ey lolaruh, bu chehrai zardim matla’li g‘azal tahlili va undagi sariq rangni ifodalash uchun qo‘llangan so‘z va so‘z birikmalarini ifodalab bering. 3. Shoirning taqdiri bilan bog‘lik bo‘lgan ruboiylaridan misollar keltiring va sharhlang. 4. Boburning ijodiy salohiyati va iste’dodiga baho bering. Savollar yozilgan kartochkalar o‘quvchilarga tarqatiladi. Dars jarayonida o‘quvchilar guruhlarning faolligiga qarab baholanadi. O‘yin darslari mustaqil fikrlashga, ijodkorlikka, faollikka undaydi.
Xulosa o‘rnida shuni aytishimiz munkinki, inson tuyg‘ularining nozik qirralarini serjilo tasvirlashda badiiy asarlarning ahamiyati va roli juda katta. Shu sabab mumtoz adabaiyotimiz na’munalari hech bir zamonda mohiyatini va qiymatini yo‘qotmaydi, uni faqatgina “mumtoz she’riyat”ni tasvir vositasi emas, balki bugungi kun talab va ehtiyojlaridan kelib chiqqan holda har bir o‘qigan inson uni yana qayta kashf etadi, yangicha taqlinda tasvirlaydi.
Foydalanilgan adabiyotlar:

1. 
   To‘xliev B. Adabiyot o‘qitish metodikasi. –T.: “Yangi asr avlodi”, 2007.
   
2. 
   Adabiyot 9-sinfi uchun darslik Qozoqboy Yo‘ldoshev, Valijon Qodirov, Jalolbek Yo‘ldoshbekov, —T.: “O‘zbekiston” NMIU, 2019.
   
3. 
   Adabiyot darslik majmua To‘xliyev B. va boshqalar,–Toshkent: “O‘zbekiston milliy ensiklopediyasi” Davlat ilmiy nashriyoti, –2017.
   

Enternet manbalar:
www.ziyouz.com
www.o‘qituvchi.uz
teme_HAMKOR USTOZLAR