Brackets-matn muharriri

Brackets-matn muharriri
Brackets - bu veb saytlar ishlab chiqish jarayonida foydalanish uchun mo’ljallangan kodlar bilan ishlovchi matn muharriri hisoblanadi. Mazkur dastur Adobe Inc. kompaniyasi tomonidan yaratilgan bepul va ochiq kodli dasturiy ta'minot bo’lib, MIT(Massachusetts Institute of Technology https://ist.mit.edu) tomonidan litsenziyalangan va hozirda GitHub (GitHub bir vaqtning o’zida bir nechta odamlarga veb-sahifalarga alohida o’zgartirishlar kiritish imkoniyatini beruvchi ochiq kodli versiya boshqaruv dasturi bo’lgan Git dan foydalaniladigan veb-interfeysdir) platformasida ochiq kodli ishlab chiquvchilar tomonidan saqlanadi. U JavaScript, HTML(Hyper Text Markup Language) va CSS(Cascading Style Sheets)da yozilgan. Brackets oʻzaro platforma boʻlib, macOS, Windows va Linux operatsion tizimlari uchun mavjud. Bracketsning asosiy funksiyasi HTML, CSS va JavaScript tahrirlashdan iborat.
2014-yil 4-noyabrda Adobe kompaniyasi dasturning birinchi versiyasi Brackets 1.0 chiqarilishini e'lon qildi. Yangilanish maxsus buyruqlar to’plami va JavaScript tilida dastur tuzishda qulay imkoniyatga egaligi kabi yangi xususiyatlarni taqdim etdi. Brackets dasturi asosan JavaScript dasturlash tili, CSS va HTML tilida kodlar yozish uchun mo’ljallangan.. Dastlabki versiyasi chiqarilishi bilan Adobe kompaniyasi CSS da stillarni yaratish qulay bo’lishi uchun PSD faylidan dizayn ma'lumotlarini import qila oladigan xususiyatini e'lon qildi. 2016-yilda ushbu dastur imkoniyatlaridan foydalanuvchilar soni kamligi tufayli dasturning yangilanishlari rasman toʻxtatilgan. Biroq, u hali ham Photoshop va Dreamweaver dasturlari orqali mavjud bo'lib, ularning ikkalasida ham Adobe Creative Cloud pullik xizmatlarining tarkibida saqlanib qolgan. 2021-yil 1-sentabrda Adobe kompaniyasi Brackets dasturini qoʻllab-quvvatlashni toʻxtatishini eʼlon qildi.
HTML, CSS va JavaScript bilan ishlaydigan web-saytlar yaratuvchi ko’plab mukammal platformalar mavjud. Xo’sh unda biz nega Bracketsni tanlashimiz kerak? Brackets boshqa dasturlar, xususan, Visual Studio, Sublime Text dasturlaridan o’zining sodda, tushunarli interfeysi bilan ajralib turadi. Interfeys jihatdan bir muncha yuqoridagi dasturlarga o’xshash bo’lsa-da, u faqat HTML va CSS bilan ishlashga mo’ljallangan. Fayllar bilan ishlash ancha qulay. Ayniqsa, dasturlashga endi kirib kelayotgan foydalanuvchilar ushbu dastur afzalligini tezda sezishadi.