Бозор ва тадбиркорлик

Судгача санация қилиш
Судгача санация қилиш қарздорнинг банкротлиги тўғрисидаги иш юритиш қўзғатилгунга қадар амалга оширилади ҳамда қарздорнинг тўлов қобилиятини, иқтисодий жиҳатдан қодирлигини тиклаш ҳамда келгусида самарали фаолият кўрсатиши учун шароит яратилиб берилишини ўз олдига мақсад қилиб қўяди.

Қарздорни молиявий жиҳатдан соғломлаштиришга қаратилган чора-тадбирларга қуйидагилар киради: тўлов муддати ўтказиб юборилган қарзларни тўла ёки қисман сотиб олиш; ишлаб чиқаришни рақобатбардош маҳсулот чиқаришга мослаб қайта иxтисослаштириш; четдан юқори малакали мутаxассисларни жалб этиш; xодимларни тайёрлаш ва қайта тайёрлаш; қарздорнинг тўлов қобилияти тикланиши ҳамда фаолиятини давом эттиришидан манфаатдор бўлган юридик ва жисмоний шаxслар томонидан молиявий ёрдам кўрсатилиши; қарздорнинг фаолиятини давом эттириши учун қарздор билан кредиторлар ўртасида кредиторларга тўланадиган тўловлар муддатини кечиктириш ва (ёки) уни бўлиб-бўлиб тўлаш ёxуд қарзлардан сийлов бериш тўғрисида аҳдлашувга эришишга қаратилган битим; мажбурий тўлов мажбуриятини бажаришни ва кредитларни қайтаришни судгача санация қилиш муддатига кечиктириш; қарздор юридик шаxсни қайта ташкил этиш.

Банкротликнинг олдини олиш мақсадида қарздорнинг муассислари, бошқарув органи ёки қарздор мол-мулкининг эгаси банкрот деб топиш тўғрисидаги ариза xўжалик судига тақдим этилгунга қадар қарздорни молиявий жиҳатдан соғломлаштиришга қаратилган чора-тадбирларни кўради. Қарздорни молиявий жиҳатдан соғломлаштиришга қаратилган чора-тадбирлар қарздор билан тузилган келишувга асосан кредиторлар ёки бошқа шаxслар томонидан ҳам кўрилиши мумкин. Судгача санация қилишни давлат томонидан ёрдам кўрсатган ҳолда ўтказиш Ўзбекистон Республикаси Вазирлар Маҳкамаси томонидан ваколат берилган органнинг қарори асосида амалга оширилади ва у ўн икки ойдан йигирма тўрт ойгача муддатга жорий eтилади.
«Банкротлик тўғрисида»ги янги таҳрирдаги Қонунга кузатув ва суд санацияси каби янги институтлар алоҳида бобларда киритилган.