“bozor iqtisodiyoti nazariyasi-rivojlangan mamlakatlar bozor tajribasi”

Фаннинг ўқув режасидаги фанлар билан ўзаро боғлиқлиги ва услубий жиҳатдан узвийлиги

«Ривожланган мамлакатлар бозор тажрибаси» фани танлов фани ҳисобланиб, ушбу фан ўқув режадаги умумиқтисодий фанлар ва қўйидаги махсус фанлар билан: “Менежмент”, “Халқаро бизнес”, “Халқаро менежмент”, “Маъмурий менежмент”, “Инновацион менежмент” каби фанлар билан бевосита алоқада.“Бозор иқтисодиёти асослари”, “Иқтисодиёт назарияси”, “Менежмент асослари”, “Персонални бошқариш”, “Бозорни ижтимоий бошқариш”, “Макроиқтисодиёт-2”, “Микроиқтисодиёт-2”, “Инновацион менежмент”, “Корпорацияни бошқариш”, “Операцион менежмент”фанлари билан узвий боғликдир.

Фаннинг илм-фан ва ишлаб чиқаришдаги ўрни

Ривожланган мамлакатлар бозор тажрибасининг мақсади бу иқтисодий ривожланган давлатларнинг самарали бошқарув фаолиятини ижобий ҳамда салбий жиҳатларини таққослаш ва таҳлил қилишдан иборатдир.

Шу боисдан ҳам “Ривожланган мамлакатлар бозор тажрибаси” фани иқтисодиётни модернизация қилиш шароитида мамлакатимизда фаолият олиб бораётган бозор иштирокчилари фаолиятини назорат қилиш ва тартибга солишда, импорт ўрнини босувчи ва экспортбоп рақобатбардош маҳсулот(хизмат) яратиш орқали жаҳон бозорига чиқишда муҳим рол ўйнайди.
Фанни ўқитишда замонавий ахборот ва педагогик технологиялар

Ўқув жараёни билан боғлиқ таълим сифатини белгиловчи ҳолатлар қуйидагилар: юқори илмий-педагогик даражада дарс бериш, муаммоли маърузалар ўқиш, дарсларни савол-жавоб тарзида қизиқарли ташкил қилиш, илғор педагогик технологиялардан ва мультимедиа воситаларидан фойдаланиш, тингловчиларни ундайдиган, ўйлантирадиган муаммоларни улар олдига қўйиш, талабчанлик, тингловчилар билан индивидуал ишлаш, эркин мулоқот юритишга, илмий изланишга жалб қилиш.

Шунингдек “Ривожланган мамлакатлар бозор тажрибаси” фанининг амалиёт машгулотларида компютер дастурларидан (Мicrosoft Ехcеl, Мicrosoft PowerPoint, Wеб Тrust), слайдлардан, мултимедиатаълим воситаларидан, ИНТЕРНЕТ саҳифалари ва тизимларидан фойдаланиш тавсия этилади.
Талабаларга ушбу фанни ўзлаштиришда мавжуд ўқув адабиётларидан, электрон дарслик, теслар мажмуаси ва бошқа манбалардан фойдаланиш тавсия етилади.