Boyitish va qayta ishlash korxonalarining texnologik uskunalari

1.4.1. Maydalash mashinalarining turlari
Maydalagichlarning tasnifi

Maydalagichlar tuzilishiga qarab quyidagi turlarga bo‘linadi:

1.Jag‘li maydalagichlar (щekovыe drobilki)

2.Konusli maydalagichlar (konusnыe drobilki)

3.Jo‘vali maydalagichlar (valkovыe drobilki)

4.Bolg‘ali maydalagichlar (molotkovыe drobilki) va x.k.

Jag‘li maydalagichlarda maydalash jarayonlari qo‘zg‘almas va qo‘zg‘aluvchan jag‘lar orasida xom ash’yoning maydalanishi hisobiga amalga oshiriladi. Maydalagich jag‘lari sillik yoki mayda tishli bo‘ladi. Bu jag‘lar maydalagichlarning turlariga qarab oddiy va murakkab xarakatlanadi. Jag‘li maydalagichlar asosan birinchi bosqich maydalashda va boyitish fabrikasining unumdorligi katta bo‘lgan xollarda qo‘llaniladi. Bunday maydalash mashinalarining bir necha xil markadagi turlari mavjud bo‘lib, bu foydali qazilmalarni fizik xossalariga asoslangan xolda tanlanadi.

Konusli maydalagichlarda maydalash jarayonlari ko‘zg‘almas va ko‘zg‘aluvchn ekssentrik aylanadigan konuslar orasida xom ashyoning uzluksiz maydalanishi natijasida amalga oshiriladi. Bunday maydalagichlarning bir nechta tulari mavjud bo‘lib. uch boskichli maydalashda qo‘llash mumkin. Ularni quyidagi turlari mavjud: katta o‘lchamda maydalovchi konusli maydalagich (KKD); o‘rtacha o‘lchamda maydalovchi konusli maydalagich (KSD); va mayda o‘lchamda maydalovchi konusli maydalagich(KMD).