Боқувчисини йўқотганлик пенсиялари

Назорат саволлар:

1. 
   Боқувчисини йўқотганлик пенсияси кимларга тайинланади ?
   
2. 
   Боқувчисини йўқотганлик пенсияси тайинлаш шартлари қандай ?
   

3. 
   Боқувчисини йўқотганлик пенсияси тайинлашда мехнат стажи қандай
   аҳамиятга эга бўлади ?
   
4. 
   Тўлиқсиз меҳнат стажи билан хам боқувчисини йўқотганли пенсияси
   тайинласа бўладими ?
   

Таянч сўз ва иборалар.
Боқувчисиз қолганлик пенсияси. Қарамоғда бўлиш. Марҳум боқувчи шахс. Боқувчи шахс билан яқин қариндошлик. Мехнатга яроқсизлик. Мархум боқувчи шахснинг умумий касалик(турмушдаги жароҳатланиш) дан вафот этиши. Мехнатдаги бахтсиз ходиса ёки жарохатланишдан ёҳуд касб касаллигидан вафот этганлик. Мархум боқувчининг мехнат стажи. Н-1 шаклдаги далолатнома. Мархум боқувчи тўлиқсиз меҳнат стажига эга бўлганда қарамоғдагиларга тўлиқсиз боқувчисини йўқотганлик пенсияси тайинлаш.
Глоссарийлар.
Боқувчисини йўқотганлик пенсияси- марҳум боқувчи шахснинг олдинги меҳнат фаолияти ва унинг учун бюджетдан ташқари Пенсия жамғармасига ижтимоий суғурта бадаллари тўлаб борилганлиги билан боғлиқ равишда тайинланадиган меҳнат пенсияларининг бир тури саналади ва унинг тайинланиш шартлари амалдаги қонун ҳужжатлаи билан аниқ белгилаб қўйилгандир.
Боқувчисини йўқотганлик пенсияси олиш ҳуқуқига эга бўлган шахслар -доирасига кириш учун қуйидаги талаблар қўйилади:
а) Меҳнатга яроқсизлик ёки меҳнатга яроқли бўлса-да, марҳумнинг 3
ёшга етмаган фарзандлари парвариши билан банд бўлишлик;
б) Мархум боқувчи билан қариндошлик алоқасида бўлишлик;
в) Марҳум боқувчи қарамоғида бўлганлик;
г) Марҳум боқувчи билан бир оила аъзоси бўлиб яшаганлик.
Боқувчисини йўқотганлик пенсиясини олиш ҳуқуқи вафот этган шахслар билан бир қаторда белгиланган тартибда бедарак кетган ёки ўлган деб эълон қилинган шахсларнинг оила аъзоларида ҳам пайдо бўлади.
Болалар ота-онасига нисбатан тўғри шажарадаги биринчи, невара бобосига, бувисига нисбатан иккинчи, эвара катта бобосига, катта бувисига нисбатан учинчи даражадаги қариндош ҳисобланади ва ҳоказо. Туғишган ака-ука ва опа-сингил қариндошликнинг иккинчи қариндошликнинг учинчи, тоғавачча, амакивачча, аммавачча ва холаваччалар эса тўртинчи даражасида турадилар.