Boshqaruvda yetakchilik va liderlik xususiyatlari. Komanda

Yetakchilar rasmiy menejerlardan nima bilan farqlanadilar?

Menejerlar qoidaga ko‘ra, boshqa kishilar tomonidan qo‘yilgan maqsadlarga qanday, qaysi usullar bilan erishish kerakligini belgilaydilar, qo‘li ostidagilarning ishini rejalarga muvofiq tashkil qiladilar va yo‘naltiradilar, ammo bunda passiv o‘rin egallaydilar.0‘zlarining atrofdagilar bilan o‘zaro hamkorliklarini huquq va majburyatlarini aniq tartibga solinishi asosida quradilar. Yetakchilar esa qanday maqsadlarga intilish kerakligini mustaqil ravishda, ortiqcha tafsilotlarni surishtirmasdan belgilaydilar. Ularning qarashlarini qabul qilgan va qiyinchiliklarga qaramay, ularning orqasidan borishga tayyor bo‘lgan kishilar, ularga ergashuvchilar bo'ladilar, yetakchilar bunda ilhom beruvchilar bo‘ladilar. Ular atrofdagilar tomonidan nazorat qilinmaydilar, ergashuvchilar bilan munosabatlarini esa ular ishonch asosida quradilar

Yetakchi	Rahbar
Yetakchining vazifasi guruhni ruhlantirish va g'oyani amalga oshirishga ishtiyoq uyg'otish	Rahbarning vazifasi rejalashtirish, ishni tashkillashtirish va vazifalarni bo’lib berishdan iborat
Yetakchi innovatsiya qiladi, ya’ni yangi g'oyalar yaratadi	Rahbar esa ularni amalga oshirish jarayonini boshqaradi
Yetakchining orqasidan unga ergashuvchilari bor	Rahbarning esa unga bo'ysunuvchi ishchilari bor
Yetakchining nazari odamlarda, guruh a’zolarida bo'ladi	Rahbarning e’tibori tizim va tashkillashtirishda bo'ladi
Yetakchi ishonch qozonishga ahamiyat bersa	Rahbar nazorat ostiga olishga harakat qiladi
Yetakchi uzoqni ko'zlaydi	Rahbar qo'l ostidagi ishlarni bajarishga ko'proq ahamiyat beradi
Yetakchi original g'oyalarni yaratadi Yetakchi to'g'ri ish qiladi	Rahbar esa taqlid qiladi, ya’ni o'xshatishga harakat qiladi  Rahbar ishni to'g'ri qiladi