Boshqaruv psixologiyasi Reja

"Oltin so`zlar" usuli. "Oltin so`zlar" iborasining sinonimi sifatida ko`pincha "chiroyli", "ta'sirchan", "juda qimmatli" so`zlar ishlatiladi, bir so`z bilan aytganda bo`lar kompliment deb yuritiladi.

Kompliment - bu insonning ijobiy sifatlarini bir oz kuchaytirib aytiladigan so`zlardir.Shu bilan birga raxbar va xodimlar urtasidagi xizmat munosabatlarida attraktsiyani shakllantirish yo`llaridan biridir. Inson o`ziga qaratilgan komplimentni eshitganda unda ijobiy xissiyot uyg`onadi. Bunday "oltin so`zlar" ta'sirining psixologik mexanizmi qanday. Agar kimgadir "Siz o`zingiz aqllisizku", "Siz kuchlisiz", "Siz odamlarga juda yaxshi ta'sir ko`rsata olasiz!" deb ta'kidlab tursangiz, agar bu xislatlar unda bo`lmasa xam u odam o`zining bu "qobiliyatini" yuzaga chiqarish, o`zini sizga ko`rsatishga harakat qiladi. Kompliment ta'sir mexanizmi asosida ishontirish psixologik mexanizmi yotadi. Ma'lumki, insonga orzularining ruyobga chikishini ishontirish mumkin. Ishontirish bu orzularining sirtdan amalga oshishiga ishonishini orttirsa, bu asosiy ijobiy emotsiyalarining hosil bo`lishiga olib keladi.

Attraktsiyaning shakllanishiga "oltin so`zlar" ta'sirining psixologik mexanizmi quyidagicha.

1. Insonga o`zining ijobiy sifatlarini kuchaytiribrok aytilgan so`zlar, ya'ni kompliment doimo yoqimli bo`ladi.

2. Agar kompliment qoidasi bilan aytilsa (bu xaqda quyida so`z yuritiladi) ishontirish natija beradi.

3. Buning natijasida "yaxshiroq" ko`rinishga bo`lgan extiej sirtdan qondiriladi.

4. Extiejlarning kondirilishi natijasida ijobiy xislar hosil bo`ladi.

5. Raxbar o`ziga nisbatan o`z qo`l ostidagi xodimlarida ijobiy xissiyotlar - attraktsiya uyg`ota olgan ekan, xodimlar o`z raxbarlarining topshiriqlarini bajonidil bajaradilar.