|
5 a). Takrorlash uchun savollar
Sifat nazorati tarixan qanday vujudga kelgan?
Sifatning statistik nazorati qachon zarur bo‘ladi?
Deming sikli degani nima?
Umumiy sifat nazorati haqida nimalarni bilasiz?
Yaponiyada umumiy sifat nazoratining o‘ziga xos jihatlari nimada?
Barcha boshqaruv jarayoniga qo‘llaniladigan Deming sikli o‘z ichiga nimalarni oladi?
Sifat o‘zi nima?
Sanoat mahsulotlari raqobatbardoshligiga qaysi omillar ta’sir o‘tkazadi?
Sifatni boshqarishning zamonaviy tizimi o‘z ichiga nimalarni oladi?
Nima uchun sifatsiz tovar va xizmatlarni ishlab chiqarish maqsadga muvofiq emas?
Ishlab chiqilayotgan mahsulot sifat nazorati nimadan boshlanadi?
Marketing va sifat bir-biriga qanday bog‘langan?
Nima sifat nazorati tizimining asosiy elementi hisoblanadi?
Miqdor va sifat ko‘rsatkichlari qanday nazorat qilinadi?
Yo‘l qo‘yiladigan og‘ish nima?
Sifat nazorati tizimi nazorat qilinishi kerakmi?
Mahsulot yoki ko‘rsatiladigan xizmatlar sifatining ikki darajali nazorati nima?
Sifatni oshishiga nima olib kelishi mumkin?
Sifatni boshqarish tizimi ishlab chiqarishning iqtisodiy ko‘rsatkichlariga qanday ta’sir ko‘rsatadi?
Mahsulot sifatini boshqarishning uchta asosiy tamoyillarini aytib o‘ting?
Sifatni boshqarish tizimining tatbiq etilishi ishchilar xulq- atvoriga qanday ta’sir ko‘rsatadi?
“Ko‘rgazmali” nazorat qanday ta’sir ko‘rsatadi?
Sifatni boshqarish tizimining tatbiq etilishida asosiy tavsiyalar nimalardan iborat?
12-BOB. STRATEGIK BOSHQARUV HISOBINI TASHKIL QILISH YO‘NALISHLARI
1-§. Strategik boshqaruv hisobining xo‘jalik yurituvchi subyekt faoliyatini boshqarishdagi o‘rni
Har qanday xo‘jalik yurituvchi subyektni tashkil etishda uning mulkdorlari qisqa muddatli mulohazalardan emas, balki strategik, uzoq muddatli maqsadlardan kelib chiqib faoliyat yo‘nalishlarini belgilaydilar. Ana shunday holatda mulkdor va tadbirkorlar uchun eng optimal qaror va xulosalarga kelishlari uchun obyektiv ma’lumotlarni taqdim etadigan vosita – bu strategik boshqaruv hisobidir.
Shu munosabat bilan hozirgi vaqtda muhim e’tibor mamlakatimiz amaliyotida nisbatan yaqinda paydo bo‘lgan, ammo rivojlangan bozor munosabatlariga ega davlatlarda yetarlicha keng yo‘nalishda shakllangan va rivojlanib borayotgan strategik boshqaruv hisobiga qaratiladi.
Mamlakatimizda strategik boshqaruv hisobi o‘zining shakllanish jarayonida.
Umuman, rivojlangan bozor iqtisodiyotiga ega mamlakatlarda, strategik boshqaruv hisobi - strategik boshqaruv qarorlarini qabul qilish maqsadida axborot ta’minoti shakllanadigan boshqaruv hisobining bir yo‘nalishi sifatida e’tirof etiladi. Strategik boshqaruv hisobi doirasida xo‘jalik yurituvchi subyektning barcha faoliyat yo‘nalishlarining batafsil tahlili amalga oshiriladi.
Xo‘jalik yurituvchi subyektda eng asosiy e’tibor uning moliyaviy- xo‘jalik faoliyatiga ta’sir ko‘rsatadigan tashqi omillarga qaratilishi – strategik boshqaruv hisobini an’anaviy boshqa hisob turlaridan farqlaydigan asosiy xusisiyatidir.
Strategik boshqaruv hisobining o‘ziga xos xususiyatlarini quyidagi jarayonlar ketma-ketligida aniq kuzatish mumkin: ichki omil va jarayonlar tahlilini amalga oshirish; tashqi omil va jarayonlar tahlilini amalga oshirish; nomoliyaviy omillar tahlilini o‘tkazish; mahsulotlarni ishlab chiqarish hajmi, xarajatlar mazmuni va uning mohiyatini belgilab beradigan eng muhim omil emasligini ta’kidlash; har bir omil uchun o‘z tahlil tizimining mavjudligi; xarajatlarga ta’sir qiluvchi omillarning barchasi ham har qanday vaqtda bir xil ahamiyatga ega emasligi, ammo ba’zilari har bir aniq vaziyatda muhim ekanligini ta’kidlash; xo‘jalik yurituvchi subyektning o‘z faoliyatida muhim rollardan birini o‘ynaydigan haqiqiy ish faoliyati talablariga moslashuvi.
Strategik boshqaruv hisobi tizimi faqatgina hisob jarayoni sifatida
emas, balki quyida keltirilgan uchta elementlar ketma-ketligida o‘zining mohiyatini to‘liq ifodalaydi (1-rasm):
strategik tahlil;
strategik rejalashtirish;
strategik nazorat.
Tashqi omil va jarayonlar
Tashqi omil va jarayonlar
Do'stlaringiz bilan baham: |
