|
CЧ
Р3
Р2
P1 +(–)
ФСТ Uчиқ2
Uчиқ – (+)
VD + +
C Uчиқ1
-
13.2 – rasm. Selsin komandoapparatning sxemasi (a) va chiqish tavsifi hamda potensiometrik vazifalovchi qurilmalarning sxemalari (v, g, d)
Shuningdek, to‘rt OK dan iborat statik tezlanishni vazifalovchi qurilmalar ham qo‘llaniladi. Bu qurilmada pog‘onali kirish signali vaqt bo‘yicha chiziqli o‘zgaradigan chiqish signaliga o‘zgartiriladi. OK lardan biri kirish signalini cheklashni boshqarish rejimida ishlaydi, ikkinchisi esa integrator rejimida ishlaydi va qolgan ikki OK esa invertor rejimida ishlaydi.
13.3 – rasm. Tezlanishni vazifalovchi qurilmaning sxemasi (a) va chiqish kuchlanishi tavsifi (b)
Elektr yuritmalarni boshqarish sxemalarida rezistor va kondensatorlardan iborat passiv elementli tezlanishni vazifalovchi qurilmalar ham qo‘llaniladi (13.3a – rasm). R – C zanjirga pog‘onali kirish signali Ukir berilganida uning chiqish qismidagi signal Uchiq eksponenta bo‘yicha o‘zgaradi (13.3b – rasm). Chiqish kuchlanishi o‘zgarishi tezlanishini uning vaqt doimiyligi T = RC ko‘rsatkichlarini o‘zgartirib boshqarish mumkin.
Elektr yuritmalar koordinatalarining o‘lchov o‘zgartkichlari. Yopiq EYu larning talab etiladigan statik va dinamik tavsiflarini hosil qilish uchun tezlik, holati, tok va kuchlanishlar boshqa boshqariluvchi koordinatalar bo‘yicha teskari bog‘lanishlar qo‘llaniladi va bu bog‘lanishlar mos o‘lchov o‘zgartkichlari yordamida amalga oshiriladi.
Tezlik o‘lchov o‘zgartkichlari. EYu ning tezligi to‘g‘risidagi informatsiyani turli o‘lchov o‘zgartgichlari va motorning o‘zidan ham olish mumkin. O‘zg‘aruvchan va o‘zgarmas tok motorlarining tezligi to‘g‘ridan – to‘g‘ri ularning EYuK lariga bog‘liqdir. Shunday qilib, EYuK qiymatini o‘lchanuvchi o‘zgaruvchan qiymat sifatida qarasak, u holda motorning tezligi haqidagi informatsiyaga ega bo‘lamiz.
Taxogeneratorlar (TG) tezlik o‘lchov o‘zgartgichi sifatida yopiq elektr yuritma tizimlarida keng qo‘llaniladi. Elektr yuritma tizimlarida asosan o‘zgarmas qutbli magnitdan qo‘zg‘aladigan o‘zgarmas tok taxogeneratorlari ishlatiladi.
Tezlik o‘lchov o‘zgartgichi sifatida o‘zgarmas tok motorli taxometrik ko‘prik sxema ham qo‘llaniladi (13.4 – rasm). R1 va R2 qarshiliklar va Rya va Rqq qarshiliklardan iborat birlamchi ko‘prik sxema hosil qilinadi. Birlamchi ko‘prik sxemasining muvozanat shartidan kelib chiqqan holda A va B nuqtalar orasidagi kuchlanish quyidagi ifoda bilan aniqlanadi:
 (13.4)
 
13.4 – rasm. O‘zgarmas tok motori sxemasini tezlik o‘lchov o‘zgartgichi sifatida ishlatish
Taxometrik ko‘prik sxemasi yopiq EYu tizimlarida qo‘llanilganda sxemadagi A va B nuqtalarga relening g‘altagi ulanadi.
Elektr yuritma tezligini katta aniqlikda nazorat qilish shart bo‘lmagan holarda, o‘zgarmas tok motori yakori cho‘tkalaridan to‘g‘ridan – to‘g‘ri olingan kuchlanishning o‘zi tezlikka proporsional signal ekanligidan foydalaniladi.
13.5 – rasm. Potensiometrik (a) va transformatorli (b) kuchlanish o‘lchov o‘zgartigichlari
O‘zgarmas tok motorli elektr yuritmalarda kuchlanish o‘lchov o‘zgartgichi sifatida potensiometrlardan foydalaniladi (13.5a – rasm). Potensiometr RP motor M ning yakor uchlariga ulanadi va kuchlanish bo‘yicha teskari bog‘lanish koeffisientining qiymati potensiometrning harakatlanuvchi qismining holati bilan aniqlanadi.
O‘zgaruvchan tok motorli elektr yuritmalari uchun kuchlanish bo‘yicha teskari bog‘lanish signallarini olishda transformatorli sxemalar qo‘llaniladi (13.5b – rasm). «Boshqariluvchi to‘g‘irlagich – o‘zgarmas tok motori» tizimlarining kuchlanish bo‘yicha teskari bog‘lanish signallarini olish, boshqariluvchi to‘g‘irlagichning o‘zgaruvchan tok zanjiriga kuchlanish transformatori ulab amalga oshiriladi.
Ishchi mexanizm ijrochi organi yoki motor valining holatini aniqlash uchun holat o‘lchov o‘zgartgichlari ishlatiladi. Holat o‘lchov o‘zgartgichlari sifatida selsinlar, potensiometrlar va aylanuvchi transformatorlar qo‘llaniladi.
Selsainli holat o‘zgartgichlarining o‘zgarmas tokli chiqish qismi (13.2a– rasm) ishchi mexanizm ijrochi organi yoki motor vali bilan birikkan bo‘ladi va natijada o‘zgartgichning chiqish qismida holatini bildiruvchi mos signal hosil bo‘ladi.
Potensiometrik holat o‘zgartgichlari 13.2v, g, d – sxemalar asosida yaratiladi. Ularning harakatlanuvchi qismlari motor vali bilan biriktirilib, chiqish qismidan holatiga mos signalar olinadi.
Aylanuvchi transformatorli holat o‘lchov o‘zgartkichlarining ishlash asosi selsinlarnikidan farq qilmaydi. Ularning chiqish qismidagi signalning qiymati transformatorning aylanuvchi qismi holati bilan belgilanadi.
NAZORAT SAVOLLARI
Operasion kuchaytirgichning vazifasi nima?
Rostlagichlar qaerlarda ishlatiladi?
Selsin komandoapparatning ishlashini tushuntiring.
O‘lchov o‘zgartkichlarini qanday turlari mavjud?
Aim.uz
Do'stlaringiz bilan baham: | 
