Boshlang'ich sinf o'quvchilariga nafosat, ekologik tarbiyaning vazifalari Reja: Kirish

ilmiy dunyoqarashning ma’naviy qiyofasini shakllantirish. Bunda hayotni bilib borishga, nafosatni tushunishga, insonning butun qiyofasini, ya’ni uning his – tuyg’ularini va estetik irodasini mustahkamlashga e’tibor berish lozim;

estetik tarbiyani milliy – ma’naviy qadriyatlar asosida tashkil etish. Bunda o’zbek xalqining o’tmishdan bizga qoldirgan ma’naviy meroslariga e’tiborni kuchaytirish kerak. Ayniqsa, qomusiy olimlar, hadis ilmi sohiblari, shoirlar, yozuvchilar, tarixchilar, davlat arboblari, xalq qahramonlarini hayoti va faoliyatidagi estetikaga oid materiallar estetik tarbiyani asosli ravishda olib borishga keng imkoniyatlar yaratadi;

talaba – yoshlarni estetik faoliyatga tayyorlash. Bunda estetik faoliyat bilim, ko’nikma va malakalar kabi ijobiy qobiliyatlar mavjudligi bilan xarakterlanishini esdan chiqarmaslik kerak. Shuning bilan birga ushbu jarayonga jamoaviy jarayon deb qarash maqsadga muvofiq bo’ladi. Bunga sabab, bunday o’rgatish guruh vazifalarini amalga oshirish jarayonida o’qituvchilarni faol estetik va badiiy faoliyatga jalb qiladi, ularda estetik va badiiy idrokni rivojlantiradi.

estetik va badiiy – ijodiy qobiliyatlarni rivojlantirish. Bunda o’zbek xalqining o’tmishdagi boy milliy – ma’naviy merosiga, xususan badiiy boyliklarga va san’atiga egaligi muhim didaktik asos bo’ladi va o’qituvchidan har bir bolada umumiy va individual badiiy – ijodiy qobiliyatlarning rivojlanishini, hissiy hozirjavoblik qobiliyatini hamda fazoviy tafakkurni yuksaltirishni hisobga olib pedagogik faoliyatni yuritishini talab etadi.

Estetik tarbiyaning maqsad va vazifalarini to’la – to’kis ravishda hal etilishi talaba – yoshlardagi tashabbuskorlik, ijodkorlik, san’atkorlik, yaxshilikka intiluvchanlik, kelajakni oldindan ko’ra bilishlik, qadriyatlarni ulug’lovchi, orzu qila bilishlik, ma’naviy yuksaklik, ma’rifatlilik, madaniyatlilik kabi ijobiy xislatlarni o’zida mujassam qilgan ijtimoiy faol shaxsni tarbiyalash kabi xayrli ishlarni bajarishga keng imkoniyatlar yaratadi.
Estetik tarbiyani samarali amalga oshirishda quyidagilar asosiy vositalar hisoblanadi: muzeylar, teatrlar, kutubxonalar, klublar, kinoteatrlar, galeriyalar, o’tmish obidalari, tarixiy me’morchilik yodgorliklari, san’at asarlari va tarixiy madaniy joylar va hayot tarzimizdagi borlig’imiz hamda ulardagi go’zalliklar talaba – yoshlarimizni estetik ruhda tarbiyalashga asos bo’ladi. Bular barkamol avlodni estetik ruhda tarbiyalash va kamol toptirishga estetik – didaktik asoslar vazifasini ham bajaradi. Bunga sabab mehnatdan estetik zavqlanish kishidagi mehnat ilhomini yanada jo’sh urdiradi, insonni ulug’laydi va uning turmush sharoitini bezaydi. Bu bilan talaba – yoshlarni Vatanimiz va jahon badiiy madaniyatining eng yaxshi namunalaridan zavq olib, estetik tarbiyalashni samarali amalga oshirish mumkin.