Boshlang’ich o’qituvchilari uchun matematika fanidan nazorat ishi

Boshlang’ich o’qituvchilari uchun matematika fanidan nazorat ishi

Matematikadan nazorat ishlari yozma ish yoki test sinovi orqali o‘tkaziladi. Yozma ishda 5 ta, test sinovida 10 ta topshiriq beriladi. Nazorat ishlari 5 balli tizimda baholanadi. Yozma ishda to‘g‘ri bajarilgan har bir topshiriq 1 balldan, test sinovida javobi to’g’ri topilgan har bir topshiriq 0,5 balldan baholanadi. Sinf jurnaliga nazorat ishi natijalari shu tarzda 5 balli tizimda qo’yiladi.

Tajriba-sinov natijalarini umumlashtirishda qulaylik bo‘lishi uchun nazorat ishlari 100 balli tizimda ham baholanadi. Bu holda yozma ishda to’g’ri bajarilgan har bir topshiriq 20 balldan, test sinovida javobi to’g’ri topilgan har bir topshiriq 10 balldan baholanadi.

Quyida har bir nazorat ishining yozma ishi uchun ikkitadan variant, test sinovi uchun bitta variant namuna tariqasida keltirilgan. Eksperimentator o‘qituvchi maktab metodbirlashma a’zolari bilan birgalikda keltirilgan namuna asosida nazorat ishi topshiriqlarini tayyorlaydi. Nazorat ishini o’tkazish jarayonida o’quvchilar topshiriqlarni mustaqil bajarishlarini ta’minlash uchun variantlar soni kamida 5 ta bo’lishi tavsiya etiladi. Nazorat ishi variantlari har bir o’quvchiga alohida varaqda tarqatiladi. Agar sinfda 35 nafar o’quvchi bo‘lsa, 5 xil variant 1 dan 35 gacha nomerlab chiqiladi. Bunda 1-variant 6-, 11-, 16-, 21-, 26-, 31-variantlar bilan, 2-variant 7-, 12, 17, 22-, 27, 32-variantlar bilan bir xil bo‘ladi va hokazo. O’quvchilar variantlar soni aslida 5 ta ekanligini sezmasliklari, variantlar 35 ta ekanligiga ishonch hosil qilishlari kerak.