Book · October 021 citations reads 555 authors

Bodomni teshikli dog‘lanish kasalligi.
Clasterosporium 
carpophilum
zamburug‘i kasallikni qo‘zg‘atadi. Kasallik bilan 
asosan bodomni barglari va kam hollarda yosh novdalari hamda 
mevalari zararlanadi. Zararlangan barg sirtida barglar yozilishi bilan 
qizg‘ish dog‘lar hosil bo‘ladi. Dog‘larning chetlari qo‘ng‘ir hoshiya 
bilan chegaralangan. 10-15 kundan so‘ng dog‘larning o‘rnidagi o‘lik 
to‘qimalar to‘kilib ketishi natijasida ularning o‘rni teshik bo‘lib 
qoladi. Zararlangan novdalarning uchi quriydi va yelim ajratadi. 

---

165 
Zamburug‘ o‘sish davrida sog‘ o‘simliklarga hosil qilgan 
konidiyalari yordamida yuqadi. Zararlangan barg qoldiqlarida va 
novdalarda mitseliylar orqali qishlab chiqadi. 
Bodomni 
bakterial 
dog‘lanish 
kasalligi.
Kasallik 
qo‘zg‘atuvchisi bakteriya bo‘lib, nam va issiq havoda yosh barglar 
yuzasida yumaloq bo‘lmagan yog‘simon, mayda dog‘lar hosil 
bo‘ladi. Keyinchalik dog‘lar kattalashib, sarg‘ish, so‘ngra qo‘ng‘ir 
tusga kiradi. Juda kam hollarda dog‘larni teshilib qolishi kuzatiladi. 
Tog‘ sharoitida kasallikni qo‘zg‘atuvchi bakteriya po‘stloq ostida 
qishlab chiqadi. SHu bilan birga uchki kurtaklarda ham saqlanib 
qoladi. Bahordagi yomg‘irlar yordamida sog‘lom barglarni 
zararlaydi. Kasallik bahorning oxiridan kech kuzgacha jadal 
rivojlanadi. 
Bodom barglarini bujmayish kasalligi.
Kasallikni 
Taphrina 
amygdai
zamburug‘i qo‘zg‘atadi. O‘sib chiqqan barglar zamburug‘ 
bilan zararlanishi tufayli bujmayib, bo‘rtib chiqadi. Bujmaygan barg 
sirtida zamburug‘ning mitseliylaridan iborat bo‘lgan oq g‘uborlar 
hosil bo‘ladi. Kasallikni qo‘zg‘atuvchi zamburug‘ o‘sish davrida 
sog‘ o‘simliklarga sporalari orqali o‘tadi. Infeksiya manbai sifatida 
o‘simlik kurtaklari va po‘stlog‘ida qishlab chiqqan xalta ichidagi 
sporalar bo‘lib hisoblanadi.