Book · May 020 citations reads 4,215 13 authors

Таътиллар графиги 
ташкилот ходимлари учун ташкилот бўлинмалари 
тавсия қилган рўйхат асосида тузилади. Ишлаб чиқариш зарурутига қараб 
раҳбар томонидан рўйхатга ўзгартиришлар киритилади ва тасдиқланади. 
Шулар асосида кадрлар бўлимида таътиллар графиги тузилади. 
Таътил тақдим этиш тўғрисида хат 
қонунчиликка мувофиқ ҳолда 
ходимга тақдим этиладиган ҳар йиллик ва бошқа таътилларни 
расмийлаштириш учун қўлланилади. Мазкур хатга асосан шахсий 
варақага белги қўйилади ва таътил учун иш ҳақи ҳисоб-китоб қилинади. 
Иш хақи тўланмайдиган таътил тақдим этилганда таътил кунлари 
кўрсатилган жойнинг ёнида “Ҳақ тўланмайдиган” деб кўрсатилади.
Штат жадвали
ташкилот бланкасида тузилиб, унда лавозимлар 
рўйхати, штат бирлиги сони, лавозим маошлари, устамалар, иш ҳақининг 
ойлик фонди тўғрисида маълумотлар бўлади. Ҳужжат ташкилот раҳбари 
ўринбосари томонидан имзоланади, бош бухгалтер билан келишувдан сўнг, 
раҳбар томонидан тасдиқланади. Тасдиқлаш устхатида ташкилот умумий 

---

663 
штатлари сони ва иш ҳақининг ойлик фонди алоҳида кўрсатилади. Штат 
жадвалига ўзгартиришлар киритиш корхона раҳбарининг буйруғи билан 
расмийлаштирилади.
Бошқа ишга ўтказиш тўғрисидаги буйруқ
ходим бир тузилмавий 
бўлинмадан бошқасига ўтказилаётганда расмийлаштирилади. Буйруққа 
аввалги ва янги иш жойидаги тузилмавий бўлинманинг раҳбарлари 
томонидан келишилганлик визаси қўйилади ва у ташкилот раҳбари 
томонидан имзоланади.
Меҳнат шартномасини бекор қилиш тўғрисидаги буйруқ 
ходим 
ишдан бўшатилганда қўлланилади. Унга тузилмавий бўлинманинг раҳбари 
томонидан келишилганлик белгиси (виза) қўйилади ва ташкилот раҳбари 
томонидан имзоланади. Ходим ўз хоҳиши билан ишдан бўшаганда у аризани 
расмийлаштиради. Буйруққа асосан бухгалтерия ходим билан ҳисоб-китоб 
қилади.
Шахсий ҳужжатлар йиғмажилдининг бошланғич санаси сифатида ишга 
қабул қилиш тўғрисидаги аризанинг санаси олинади, якуний санаси эса – 
ишдан бўшатиш тўғрисидаги буйруқнинг санаси ҳисобланади.