Bolalarimizni pirotexnika vositalaridan asraylik

Bolalarimizni pirotexnika vositalaridan asraylik
Har yangi yilda pirotexnika vositalaridan foydalanishning salbiy oqibatlari, bu mahsulotlar savdosi bilan shug‘ullangan shaxslarga jazo borligini ommaviy axborot vositalari orqali keng targ‘ib qilinishiga qaramasdan, bayram arafasida yon-atrofimizdagilar pirotexnikadan bemalol foydalanib yurishgani bor gap.
O‘zbekiston Respublikasi Maʼmuriy javobgarlik to‘g‘risidagi kodeksning 1851-moddasi bilan pirotexnika buyumlarini qonunga xilof ravishda ishlab chiqarish, tayyorlash, saqlash, tashish, jo‘natish, ulardan foydalanish, xuddi shuningdek ularni qonunga xilof ravishda O‘zbekiston Respublikasiga olib kirganlik yoki o‘tkazganlik uchun maʼmuriy javobgarlik belgilangan bo‘lib, huquqbuzarlik ashyolarini musodara qilib, eng kam ish haqining yigirma baravarigacha miqdorda jarima solishga sabab bo‘lishi belgilangan bo‘lsa-da, joriy yilda jinoyat ishlari bo‘yicha Qo‘shko‘pir tuman sudi tomonidan O‘zbekiston Respublikasi MJtKning 1851-moddasi - Pirotexnika buyumlarining qonunga xilof muomalasi bilan bog‘liq uch nafar shaxsga nisbatan uchta maʼmuriy huquqbuzarlik to‘g‘risidagi ishlar ko‘rib chiqilib, ashyoviy dalil sifatida olingan 85 quti qiymati 500.000 so‘mlik pirotexnika vositalarini yo‘q qilish belgilanib, huquqbuzarlarga nisbatan qonunda belgilangan tartibda jazolar tayinlangan.
Shuningdek, Jinoyat kodeksining 2501-moddada (Pirotexnika buyumlarining qonunga xilof muomalasi) pirotexnika buyumlarini qonunga xilof ravishda ishlab chiqarish, tayyorlash, saqlash, tashish, jo‘natish, ulardan foydalanish, xuddi shuningdek ularni qonunga xilof ravishda O‘zbekiston Respublikasiga olib kirish (O‘zbekiston Respublikasidan olib chiqish) yoki o‘tkazish ancha miqdorda yoxud shunday harakatlar uchun maʼmuriy jazo qo‘llanilganidan keyin sodir etganlik uchun jinoiy javobgarlik belgilangan.
So‘nggi yillar mobaynida ichki ishlar, huquq-tartibot va sog‘liqni saqlash xodimlari tomonidan olib borilgan saʼy-harakatlar natijasida pirotexnika buyumlarining qonunga xilof muomalasi keskin kamaydi.
Yangi yil bayrami kunlarida pirotexnik vositalar bilan bog‘liq huquqbuzarliklarni oldini olish uchun yurtdoshlarimizga, ayniqsa bolalarga ehtiyotkor bo‘lishlarini so‘rab qolgan bo‘lardim.
Akbar Aminov, Jinoyat ishlari bo‘yicha Qo‘shko‘pir tuman sudining raisi