Bolalar sportini rivojlantirishda jismoniy tarbiya va sog’lomlashtirish mashg’ulotlarining ahamiyati

Mavzu: “Bolalar sportini rivojlantirishda jismoniy tarbiya va sog’lomlashtirish mashg’ulotlarining ahamiyati”
Reja
Kirish
I.Sport va jismoniy tarbiya sog‘lomlashtirish tadbirlarining shakllari
II. Bolalar uchun sog‘lomlashtirish tadbirlarining vositalari
III.Sport va jismoniy tarbiya mashg‘lotlarida jismoniy rivojlantirish tadbirlarining vositalari
IV.Sport va jismoniy tarbiya jarayonlarining sog‘lomlashtirishning o‘zaro bog‘liqligi va ahamiyati
Xulosa
Foydalangan adabiyotlar


Kirish
O‘zbekiston Respublikasi mustaqillikka erishgach, o‘zbek xalqi milliy davlatchiligi va madaniyati tarixida yangi davr boshlandi. Mustaqillikning dastlabki yillaridan boshlab iqtisodiy, siyosiy, madaniy jarayonlar bo‘yicha jiddiy islohotlar amalga oshirildi. Aholining salomatligini yaxshilash, o‘quvchi yoshlar va talabalarning jismoniy barkamolligini tarbiyalash, iqtidorli sportchilarning mahoratini davr talablari va xalqaro andozalar asosida takomillashtirib borish, shuningdek ziyolilarning ish qobiliyatlarini va mehnat unumdorligini oshirish, eng muhimi, sog‘lom turmush tarzini shakllantirishga, sog‘lom avlodni tarbiyalashga alohida e’tibor berildi. O‘zbekiston Respublikasining birinchi Prezidenti I. Karimovning hissasi g‘oyat yuksak bo‘lib, «o‘zining salomatligi haqida shaxsan g‘amxo‘rlik qilib borish madaniyatini yoshlikdan, maktab, mahalla, sog‘liqni saqlash tizimi, jismoniy tarbiya va sportning ko‘magida singdirish kerak», – degan chuqur mazmunli mantiqiy da’vati e’tiborga molikdir.
Respublikada aholining salomatligini yaxshilash va jismoniy tarbiya tizimidagi barcha sohalarning ilmiy-amaliy salohiyatini yanada chuqurlashtirish borasida juda katta amaliy ishlar amalga oshirilmoqda. Shu o‘rinda milliy xususiyatlarni hisobga olgan holda jismoniy tarbiya tizimining ilmiy-amaliy asoslarini davr talablari darajasida boyitish, malakali mutaxassis kadrlar tayyorlashga yanada jiddiy e’tibor berilmoqda.
Sog‘lom turmush tarzi yosh avlodni jismonan barkamol va sog‘lom qilib tarbiyalashni ta’minlaydigan jarayondir. Jismoniy mashqlar va sport bilan shug‘ullanish, to‘g‘ri ovqatlanish va yaxshi dam olish, salbiy odatlar-spirtli ichimlik ichish, tamaki va giyoxvand moddalar chekish, noto‘g‘ri dam olish va noto‘g‘ri ovqatlanish, kam harakatlik kabi illatlardan voz kechish sog‘lom turmush tarzi qoidalaridan hisoblanadi.