Bolalar sportini rivojlantirishda jismoniy tarbiya va sog’lomlashtirish mashg’ulotlarining ahamiyati

Aqliy tarbiyaning mazmunida ikkita o‘zaro bog‘liq bo‘lgan tomon-ta’limiy va tarbiyaviy tomonlar bor. Aqliy tarbiyaning ta’limiy tomoni shug‘ullanuvchilarni maxsus bilimlar bilan qurollantirishni nazarda tutadi. Jismoniy tarbiya jarayonidagi aqliy faoliyatning tarbiyaviy tomoni shug‘ullanuvchilarda qilish qobiliyatini o‘stirish bilan bir qatorda akl- idrokni o‘stirishdan iboratdir.
Aqliy tarbiyaning vazifalari. Jismoniy tarbiya jarayonidagi aqliy faoliyatning mazmuniga muvofiq ravishda aqliy tarbiyaning uchta asosiy vazifasini ko‘rsatish mumkin:
1. Shug‘ullanuvchilarni jismoniy tarbiya soxasidagi maxsus bilimlar bilan boyitib borish.
2. Muhokama yurita bilish malakalarini, o‘rganilayotgan harakat tajribasini taxlil etish, umumlashtirish, tanqidiy jixatdan baholash qobiliyatini tarbiyalash.
3. Harakat faoliyatida ijodiy, aqliy aktivlik ko‘rsatish ko‘nikma va malakalarini shakllantirish hamda jismoniy qobiliyatlarini mehnat va sport manfaatlariga muvofiq ravishda rastional ishlatish.

Xulosa
Pedagogik amaliyot jarayonlarida bolalar uchun tashkil etilgan jismoniy tarbiya sport va sog‘lomlashtirish tadbirlarining maqsad vazifalari, turlari hamda shakllari o‘rganildi. Jismoniy tarbiya darslari va tanaffusdagi harakatli o‘yinlarda jismoniy rivojlantirish, harakatlarga o‘rgatish, harakat malaka va ko‘nikmalarini shakllantirish masalalarini amalga oshirilishi tahlil etildi. Sport to‘garaklaridagi mashg‘ulotlarda o‘quvchilarni sport turlari bo‘yicha ixtisosliklarga erishtirish, musobaqalarda yuksak natijalarga erishishga intilish, yoshlar o‘rtasida sport tadbirlarini ommaviylashtirish jarayonlari o‘rganildi.
Sog‘lomlashtirish tadbirlari hisoblangan ertalabki badantarbiya mashg‘ulotlarini organizmga sog‘lomlashtiruvchi ta’sirini o‘rganish, turizm mashg‘ulotlari va sayohatlarda, tabiat omillari yordamida organizmni chiniqtirish masalalari tahlil etildi. Tabiat omillar suv, quyosh va havo ta’sirida chiniqtirish muolajalari qabul qilish qoidalari, jismoniy tarbiya va sport bilan shug‘ullanishda shaxsiy va jamoa gigienasi talablariga rioya qilish hamda sog‘lom turmush tarzi qoidalariga rioya qilish talablari o‘rganildi.
O‘quvchilar bilan jismoniy tarbiya va sportni organizmga sog‘lomlashtiruvchi ta’sirlari haqida suhbatlar o‘tkazildi. Chiniqtirish muolajalaridan muntazam foydalanish ularning samarali ta’siri sayohatlar va sayrlar davomida katta bo‘lishi ko‘rsatib o‘tildi.
Sog‘lom turmush tarzi bo‘yicha o‘tkazilgan suhbatlar va mashg‘ulotlarda o‘tkazilgan tadbirlarda jismoniy tarbiya va sport bilan bilan mustaqil shug‘ullanish talablari, to‘g‘ri ovqatlanish, parhez tutish, sifatli oziq-ovqatlardan foydalanish, maroqli dam olish qoidalari tushuntirib o‘tildi. Shuningdek spirtli ichimlik ichish, giyohvand moddalar qabul qilish, tamaki chekish, kam harakatlilik hamda sport mashg‘ulotlarida shifokor ruxsatisiz dori vositalaridan foydalanishning zararli ta’sirlari ta’riflandi. Shaxsiy va jamoat gigienasi talablari bo‘lgan yashash joylari, o‘quv xonalari va sport bilan shug‘ullanadigan zal va maydonlar, jihoz va uskunalar saranjom sarishta, yaroqli bo‘lishini ta’minlash, sport bilan shug‘ullanishda sport kiyimlarini, poyafzalni toza bo‘lishi, muntazam dush va xammom qabul qilish, tanani parvarish qilish va sog‘lom tutish qoidalari o‘rgatildi. Xulosa qilib shuni ta’kidlash lozim
1. Jismoniy tarbiya va sport mashg‘ulotlari organizmga jismoniy rivojlantiruvchi va sog‘lomlashtiruvchi ta’sir ko‘rsatadi.
2. Jismoniy mashqlar va tabiat omillari organizmni jismoniy rivojlantiruvchi va sog‘lomlashtiruvchi vositalardan hisoblanadi.
3. Shaxsiy va jamoat gigiena talablari hamda sog‘lom turmush tarzi qoidalari organizm sog‘lom bo‘lishini ta’minlaydi.
4. Chiniqtirish muolajalari jismoniy tarbiya va sport mashg‘ulotlari ta’siri samaradorligini orttiradi.