Bolalar kiyimini tikish texnologiyasi

Foydalanilgan adabiyotlar
1.A.T.Turaxonova «Tikuvchilik texnologiyasi asoslari».
S.Toshpulatov, X.X.Komilova, S.Nishanova, D.Rasulova “Xalq iste’moli buyumlarini modellashtirish va loyihalash” Sharq nashriyoti 2007 yil.


11-Mavzu: Yoqasiz yoqa o’miziga ishlov berish.
Reja:

1. 
   Yoqa o'miziga mag'iz qo'yib tikish.
   
2. 
   Yoqa o'miziga bezak mag'iz (beyka) qo'yib tikish.
   

Tayanch iboralar:Beyka, yoqa o'mizi, ko`tarmali qaytarma yoqa, qirqimlar, ko`klagan, yelim, qotirma.
Yoqa o'miziga mag'iz qo'yib (58- a, b rasmlar) yoki bezak mag'iz qo'yib (58- d rasm) tikilishi mumkin. Yoqa o'miziga mag'iz qo'yib tikishda (58-b rasm) mag'izning o'ngini asosiy detal o'ngiga qaratib qo'yiladi, qirqimlarini to'g'rilab, yoqa o'mizi ag'darma chok bilan tikiladi. Chok haqini mag'iz tomonga bukib, chokdan 0,1 sm oraliqda ag'darma chok haqini mag'izga bostirib tikiladi. Mag'izning ochiq qirqimini 0,5-0,6 sm teskarisiga bukib, ziyidan 0,1 sm oraliqda universal mashinada bukib tikiladi. Keyin mag'iz asosiy detalga yashirin qaviqlar bilan puxtalab qo'yiladi. Tayyor yoqa o'mizi dazmollanadi.
Yoqa o'miziga bezak mag'iz (beyka) qo'yib tikish. (58- d rasm).

Mag'iz detali yoqa o'mizi shaklida bichib olinadi. Mag'iz o'ngini asosiy detal teskarisiga qaratib qo'yiladi, qirqimlarini to'g'ri keltirib, to'g'ri sirma qaviq bilan mag'iz asosiy detalga bostirib ko'klanadi. Qaviqqatordan 0,1 sm oraliqda 0,6-0,7 sm kenglikda ag'darma chok bilan yoqa o'mizi tikiladi. Ko'klangan iplarni so'kib tashlab, burchakdagi chok haqi bahyaqatorga 0,1 sm yetkazmay, kertib qo'yiladi. Chok haqini asosiy detal tomonga qaytarib, ag'darma chokdan 0,1 sm oraliqda asosiy detalga bostirib tikiladi. Mag'izni asosiy detal o'ngiga ag'darib, yoqa o'miz ziylari ko'klanadi. Bunda mag'iz detalidan 0,1-0,2 sm kant hosil qilinadi. Mag'izning ochiq qirqimini 0,5-0,7 sm teskariga bukib, bukilgan ziydan 0,1-0,2 sm oraliqda bostirib tikiladi. Ko'klangan iplar so'kib tashlanadi va dazmollanadi