Bolalar kasalliklari propedevtikasi

Salomat  Nazarovna  Yuldashevna  (1913-1986)  pediatriya  sohasi  bo‗yicha 
o‗zbek ayollaridan yetishib chiqkan birinchi fan doqtori, professor, 1960-1972 yillar 
ToshDTI,  1972  yildan  umrining  oxirigacha  O‗rta  Osiyo  tibbiyot  pediatriya 
institutining  fakultet  pediatriya  kafedrasi  mudiri  bo‗lib  ishlagan.  Ulug‗  vatan 
urushining  og‗ir  yillarida  O‗zbekiston  sog‗liqni  saqlash  xalq  kommisariyatining 
onalik  va  bolalikning  muxofaza  qilish  bo‗yicha  o‗rin  bosari  vazifasida  ishlab, 
Respublikamizda  ona  va  bolaga  tibbiy  yordam  ko‗rsatishni  kengaytirib 
takomillashtirishda  katta  xissa  qo‗shgan.  S.N.  Yuldasheva  o‗z  shogirdlari  bilan 
O‗zbekistonda  bolalarda  revmatizm  kasalligiga  qarshi  juda  katta  tashkiliy  va  ilmiy 
ishlar olib borgan. U 130 dan ortiq ilmiy asar muallifi bo‗lgan, uning raxbarligida 2 ta 
doqtorlik,7  ta  nomzodlik  dissertatsiyasi  yoklangan.  Qilgan  xizmatlari  evaziga  S.N. 
Yuldasheva  xurmat  belgisi  ordeni,  2  ta  shavkatli  mehnat  uchun  medali,  3  marta 

---

 
15 
respublika oliy Sovetining faxriy yorlig‗i bilan taqdirlangan. 
 Mannop  Atamatovich  Mirzamuhamedov  (1920-2002),  tibbiyot  fanlari 
doqtori, O‗zbekistonda xizmat ko‗rsatgan fan arbobi. U pecpublika sog‗liqni saqlash 
tizimining  yirik  tashkilotchisi  sifatida  1955-1960  yillar  Samarqand  tibbiyot  instituti 
direktori,  1960-1963  yillar  Toshkent  Davlat  vrachlar  malakasini  oshirish  instituti 
direktori,  1965-1976  yillar  O‗zbekistan  sog‗liqni  saqlash  vazirligini  onalik  va 
bolalikni  muhofaza  qilish  ilmiy  tekshirish  instituti  direktori  vazifalarida  ishlagan. 
Keyinchalik  2-ToshDTI  bolalar  kasalliklari  kafedrasi  mudiri  bo‗lib  ishlagan.  M.A. 
Mirzamuhamedov  o‗z  shogirdlari  bilan  bolalarda  hazm  a‘zo,  nefropatiya,  allergoz 
kasaliklari ustida chuqur ilmiy tekshirish ishlarini olib borib, M.A.Mirzamuhamedov 
borada bu o‗lkaga xos kompleks davolash va profilaktik choralarni amaliyotga tadbiq 
etgan.  U  150  dan  ortiq  ilmiy  asar,  16  uslubiy  qo‗llanma  va  monografiyalar  mualifi. 
Uning  rahbarligida  3  ta  fan  doqtori,  8  ta  fan  nomzodi  tayyorlangan.  M.A. 
Mirzamuhamedov  qator  orden,  medallar,  hamda  1  darajali  «Sog‗lom  avlod  uchun» 
ordeni bilan taqdirlangan.