Bolalar kasalliklari propedevtikasi

Ikkinchi  qo‘shimcha  ovqatni  bola  albatta  birinchi  qo‗shimcha  ovqatga 
o‗rgangandan so‗ng kiritiladi. Birinchi qo‗shimcha ovqatni kiritishga esa odatda 3 - 
4  xafta  kerak  bo‗ladi.  Hech  kachon  1  -  2-chi  qo‗shimcha  ovqatlarni  birin-ketin 
berish  tavsiya  etilmaydi  Birinchi  qo‗shimcha  ovqat  bilan  ikkinchi  qo‗shimcha 
ovqat o‗rtasida bolani ko‗krakdan boqilishi lozim. 
Chaqaloqning 6 - 7 oyligidan boshlab yog‗siz go‗sht kaynatmasini (miqdori 
50 ml ortmasligi kerak) beriladi. Bu maxsulot oshqozon sekretsiyasini stimullaydi. 
Go‗sht  kaynatmasi  sabzavot  bo‗tqalari  bilan  berilishi  maqsadga  muvofik.  7-7,5 
oylikdan boshlab go‗sht farshi kiritilib (20-30 gr), uni 10- oylikdan frikadelki bilan 
almashtiriladi  va  oxirida  esa  (12-oydan)  parda  pishirilgai  katletlar,  teftellar 
kiritiladi. Non maxsulotlari 8- oylikdan oq undan tayyog‗langan suxariklar sifatida 
yog‗siz  go‗sht  bulonida  yoki  sabzavot  kaynatmasi  bilan  kiritilgani  maqsadta 
muvofik.  Qolgan  ozuqa  maxsulotlarini  kiritish  usuli  ham  yuqorida  keltirilgan 
tartibda  berilishi  kerak,  ularning  kiritish  vaqti  esa  11-chi  tablitsada  keltirilgan. 
Sigir  sutini  esa  bola  ko‗krakdan  ajratilayotgan  davrda,  bola  kundalik  ratsioniga 
kiritilgani  ma‘qo‗l.  Kefirni  esa  V..Ye.  Polyakov  va  boshqalar  (1992  i)  5-  oydan 
kiritishni tavsiya etadilar. Bizning fikrimizcha bu qo‗shimcha ovqat turini 8- oydan 
qo‗shilgani maqsadga muvofik (uchinchi qo‗shimcha ovqat sifatida).