Bolalar kasalliklari propedevtikasi

Ich ketishi: ko‗p mikdordagn axlat bilan kechadigan ich ketishlar oshqozon 
kasalliklari  (gastrogen  ich  ketishlari),  oshqozon  osti  bezi  kasalliklari  va 
selliakiyada  kuzatiladi.  Oz  miqdordagi  axlat  chiqaradigan  ich  ketishlar  ichak 
kasalliklari,  dizenteriya,  terlamada,  salmonellez,  tuberkulyoz,  dizbakterioz, 
gelmintozlar 
va 
ichaklarning 
nospetsifik 
yallig‗lanish 
kasalliklarida 
(entereokolitlar,kron  kasalligi,  nospetsifik  yarali  kolitlarda)  uchraydi.  Enteritlarda 
axlat  hazm  bo‗lmagan  ovqat  moddalari  bilan  ajralib  tursa,  yo‗g‗on  ichak 
kasalliklarida suvdek suyuq bo‗lib, sharillab o‗tadi. 
Ishtaha.  Katta  yoshli  bolalarda  ishtaha  so‗rab  -  surishtirish  orqali  baxo 
berilsa,  ko‗krak  yoshdagilarning  qanday  emishiga  qarab  xulosa  qilinadi. 
Ishtaxaning pasayishi ovqat hazm qilish a‘zolarining gastrit, me‘da va 12 barmoqli 
ichak  yaralari.  jigarning  surunkali  xastaliklari,  pankreatitlarga  xosdir.  Ishtaxaning 
butunlay yo‗qolishi (anoreksiya) faqatgina kasallik bo‗lib qolmay, shuningdek bola 
tarbiyasini noto‗g‗ri tuzilganligidan ham uchrash mumkin. Ba‘zi hollarda bolaning 
ovqat  moddalariga  (oqsillar,  yog‗lar,  uglevodlar)  o‗ta  sezuvchanligi  tufayli  ayrim 
oziq-ovqat mahsulotlarini iste‘mol qila olmasligi kuzatiladi. 
Masalan: disaharid yetishmovchiligida (laktoza, saxaroza, fruktozani singira 
olmaganida)  bolalar  sut  mahsulotlarini,  mevalarini  va  shirinliklarni  qabul  qila 
olmaydi. Jigar kasalliklarida bolalar yog‗ni suymay qolsalar, me‘da va 12 barmoqli 
ichak  yarasi  kasalligida  ovqatlangandan  paytida  va  keyingi  og‗riqlar  tufayli 
ishtahasi pasayadi.