Bolalar kasalliklari propedevtikasi

Mikroelementlar.  Avval  ta‘kidlab  o‗tilganidek,  ko‗krak  suti  va  boshqa 
uning  o‗rnini  bosuvchi  ozukalardagi  mikroelementlar  bir-biridan  farq  qiladi. 
Umuman olib qaraganda, mikroelementlarning yetishmasligi yoki ko‗payib ketishi 
emadigan  bolalarda  kam  uchraydi.  Mis,  nisbatan  past  molekulyar  og‗irlikdagi 
oqsillar  bilan  birga  birikadi  va  uning  biolo-gik  faolligi  yuqori  bo‗ladi.  Uning 
yetishmasligidan kelib chiqadigan mikrotsitar anemiya va asabiy o‗zgarishlar faqat 
sun‘iy  ovqatlanadigan  bolalarda  kuzatiladi.  Selenning  ham  miqdori  emadigan 
bolalarda  yuqori  bo‗ladi.  Ko‗krak  sutining  o‗rnini  bosuvchi  ozuqalarda  xrom, 
alyuminiy va marganets miqdori 100 marta ko‗p bo‗ladi. Buning salbiy oqibatlari, 
ya‘ni  bolalarning  rivojlanishi  va  suyaklar  o‗sishiga  zararli  ta‘siri  aniqlangan. 
Ko‗krak  suti  va  uni  almashtiruvchi  ozuqalardagi  mineral  moddalar  hamda 
ozuqaning boshqa komponentlari o‗rtasida ko‗pgina farqlar mavjud. Oxirgi 10 yil 
ichida  minerallar  va  ularni  o‗rnini  bosuvchi  biologik  moddalar  qiymati  orasidagi 
borliklikni  o‗rganishda  katta  yutuklarga  erishilgan.  Shular  bilan  bir  qatorda 
keyinchalik  nikel,  vanadiy,  kremniy,  mishyak,  kadmiy  kabi  mikroelementlarni 
o‗rganib chiqilgan.