Bolalar kasalliklari propedevtikasi

Limfa  tugunlariga  nina  tikish.  Bolalarda  ko‗p  holatlarda  limfa  tugunlari 
kattalashgan bo‗ladi. Punksiya uchun eng qo‗lay joy bo‗lib, bo‗yin, qo‗ltiq osti va 
chov limfa tugunlari hisoblanadi. Punksiya uchun 10 mm li yangi porshini siqilib 
to‗shadigan  shprits  va  3-4  sm  uzunlikdagi  nina  olinadi.  Oldin  shpritsga  ninani 
kiygazib,  so‗ng  limfa  beziga  sanchib  undan  mahsulot  tortib  olinib,  predmet 
oynasiga  tushiriladi  va  so‗rtma  tayyorlab  Romonovskiy-Gimza  buyog‗i  bilan 
bo‗yaladi.  Normada  olingan  mahsulot  tarkibida  asosan  limfa  xujayralari:  0-5% 
limfoblastlar,  50-70%  prolimfotsitlar,  25-30%  limfotsitlar  bo‗ladi.  Bir  qancha 
xastaliklarda  limfa  tugunlarini  tarkibiy  qismi  o‗zgaradi:  leykoz  kasalligida  blast 
xujayralari  ko‗payib  sochilib  yotadi.  Goshe  kasalligida  esa  Goshe  xujayralari,  sil 
xastaligida  limfa  tugunlarini  yallig‗lanishida  (limfadenitda)  limfa  to‗qimalarini 
ko‗payib ketganligi ko‗rinadi va epitelioid xujayralari aylanasi 16-18 mm, notug‗ri 
dumaloq yoki cho‗zinchoq yadrosi esa oval shaklidagi yaltiroq to‗rsimon tuzilishga 
ega bo‗ladi, to‗qima sitoplazmasi tutinsimon havo rangga ega bo‗ladi.