Bolalar folklori

Bolalar folklori

Ota-onalar har doim farzandlar to'g'risida qayg'uradilar va ularning kelajakda yetuk inson bo'lib voyaga yetishini xohlaydilar. Bu orzu-istaklarini farzandlariga kichikligida ularga singdirish va ularga o’z mehrlarini ifoda etish maqsadida qalbidagi so’zlarini alla misolida namoyon qiladilar. Bu bolalar folklorining ko’rinishlaridan biri hisoblanadi. «Alla»  istilohining  kelib  chiqishi  haqida  turlicha  fikrlar  mavjud. 

Kimdir uni arabcha «olloh» so`zining fonetik o`zgarishga uchragan shakli desa, kimdir o`zbekcha «aldamoq» so`zidan kelib chiqqan, shunga ko`ra  u bolani aldab-avrab uxlatish ma`nosiga ega deya 
izohlashga  urinadi.  Bu  izohlarning  soxtaligi  va  haqiqatni  aks  ettirmasligi  o`z-o`zidan  ayonlashib 
turibdi.  L.Z.Budagov  chig`atoychada  «allala»  boshning  orqasi,  ya`ni  «ensa»ni  anglatishini  qayd 
etgan.  Chindan  ham  chalqanchasiga  yotganda  boshning  orqasi  yostiqda  bosilib,  shu  holda 
uxlanadi.  Chaqaloq  beshikka,  belanchakka  faqat  bosh  orqasi–allalasi  bilan  chalqanchasiga 
cho`zilib  uxlaydi.  Bolaga  uyqu  chaqirishda  qo`llanishi  shu  vazifasidan  kelib  chiqqan.