Болалар ёшида учрайдиган тиш каттик

Gipertrofik 
gingivit
da 
o`sib, 
kattalashgan 
milk 
so`rg`ichlari 
sklerozlashtiruvchi muolajalar yordamida bartaraf etiladi. Buning uchun 
yallig`langan milk to`qimasiga 60% li glyukoza eritmasidan yoki boshqa bir 
sklerotik ta’sirta ega bo`lgan moddalardan 0,2-0,3 ml miqdorda 3-4 kun oralatib 5-
6 marta in’eksiya yo`li bilan yuboriladi. 
Bunday muolajalar yosh bolalarda kuchli og`riq sezgisini paydo qilishi 
mumkin. Shularni nazarda tutgan holda, o`sgan milk so`rg`ichlarini uch xlorli sirka 
kislotasi bilan kuydirish maqsadga muvofiq hisoblanadi. Bunday muolajani 
o`tkazish uchun pastki jag` tishlarining daxliz va og`iz qismi sathlari yumshoq 
paxta bolishchalar (valiklar) bilan muxofaza etiladi. Chap qo`l bilan paxta 
bolishchalar tutib turiladi. O`ng qo`ldagi qisqichga qistirilgan, uchxlorli 
kislotaning 30% li eritmasida ho`llangan paxta tamponchalar o`sgan milk 
so`rg`ichlariga bosib - bosib olinadi. Milk so`rg`ichlarining to`qimalari kuyishi 
natijasida ular oppoq tusga kiradi. Muolajadan keyin 2-3 kun o`tgach kuyish 
natijassda nekrozga uchrab o`lgan to`qima ajralib tushib, tez kunlarda asoratsiz 
bitib ketadi. Ostki qavat qo`shuvchi to`qimasida qattiqlashgan sklerotik to`qima 
hosil bo`ladi. 
Granulyatsiyalanuvchi to`qima hisobiga milk so`rg`ichlari o`sib ketsa, 
yuqorida bayon qilingan muolaja 4-5 marta 3-4 kun oralatib takrorlanadi. 
Yallig`lanish jarayonini vujudga keltirgan sabablar aniqlanib, bartaraf etilsa, 
muolaja natijasi turg`un bo`lib qoladi. 
Gipertrofik gingivitlarda qo`shimcha fizioterapevtik tadbirlarni o`tkazish 
bemor ahvolini yengillashtiradi va milklar shilliq pardasining tezda o`z holiga 
kelishiga olib keladi. Buning uchun milklarga geparinning 1 ml da 5000 TB 
bo`lgan preparatidan, lidazadan elektroforez va uchqun razryadli darsonval 
muolajalarini buyurish foydalidir. 
Gipertrofik gingivitlarning turg`un fibrozli shakllarida jarroxlik yo`li bilan 
jarayonni bartaraf etish lozim.