Болалар боғчасида миқдор ва сон тасаввурларини таркиб топтириш

«MAKTABGACHA TA’LIM METODIKASI” KAFEDRASI

matematik tasavvurlarni SHAKLLANTIRISH nazariyasi va metodikasi

FANIDAN

Mustaqil ish topshiriqlari
Jizzax
Mustaqil ish topshiriqlari (shu jumladan grafik ishlar ham).
Mustaqil ishlar talabalarning ma’ruza darslarida tinglaydigan va amaliy mashg’ulotlarda bajaradigan nazariy bilimlari va amaliy malakalariga qo’shimcha ravishda bajarishlari uchun beriladi. Mustaqil ishlarni bajarishda talabalar mustaqil ravishda manba, ma’lumotlar, tahlil natijalarib internet va matbuot, televideniya xabarlaridan foydalanib, muayyan mavzularni turli shakllarda topshiradilar. Bunda topshiriqlar seminar, referat hamda, og’zaki topshirishlari maqsadga muvofiq topiladi. Topshiriq shakllari mavzular ko’lami, ahamiyati va ilmiyligi hisobga olingan holda tavsiya etiladi. Mustaqil ishlarni bajarish orqali talabalar nazariy bilimlarni to’plash tahlil qilish va mustaqil fikrlash malakasini mustahkamlaydilar.

Mustaqil ishlarning og’zaki shaklda topshirilishi talabalarda o’z fikrlarini va bilimlarini bayon qila bilish malakasini oshiradi, so’z boyligini kengaytiradi, nutq madaniyatni shakllantirishga yordam beradi. Seminar shaklidagi topshiriqlar talabalarning yig’ilgan ma’lumotlar tahlilini yozma bayon qilish malakasini, manbalar ustida ishlash, kerakli ma’lumotlarni ajrata bilish ko’nikmalarini shakllantiradi. Referat shaklidagi topshiriqlar talabalarda muayyan mavzu bo’yicha ilmiy fikrlash, bayon qilish, yozma nutqni shakllantirish malakasini oshirishga yordam beradi.

Har xil ko’rinishdagi topshiriqlarni bajarishda ma’lum qoidalarga amal qilish talab etiladi. Xususan yozma shakldagi topshiriqlarda ishni izchil, tartib bilan, tushunarli qilib yozish, muammolarni va ularning yechimlarini ko’rsatish, chizmalar va xaritalar bilan to’ldirish maqsadga muvofiqdir. Mustaqil ishlarni bajarish ko’rsatilgan muddat ichida, ya’ni semestr davomida bajariladi. Mustaqil ishlarni baholash joriy va oraliq baholashga mushtarak olib boriladi. Mustaqil ishlar topshiriqlarining ballari joriy va oraliq ballarga qo’shiladi.

№