Bolalar adabiyoti o‘zbekiston respublikasi oliy va o‘rta maxsus ta’lim vazirligi

BOLTA BO‘TQA
(Rus xalq ertagi)
Keksa askarga bir necha kun uyga borib kelishga javob berishibdi.
U yo‘l yurib rosa charchabdi, qorni ham ochibdi. Bir qishloqqa
kelib, chetdagi uyning eshigini taqillatibdi:
— Yo‘lovchiga joy bormi?
www.ziyouz.com kutubxonasi

---

2 7
Eshikni qari kampir ochibdi.
— Kiraver, askar.
— Mabodo yegani biron narsangiz yo‘qmi? — deb so‘rabdi
yo‘lovchi.
Kampir hamma narsa yetarli bo‘lsa ham, askarga ovqat bergisi
kelmay, o‘zini nochorlikka solibdi:
— Ey, askar bolam, u yog‘ini so‘rasang, o‘zim ham
ertalabdan beri tuz totganim yo‘q. Bo‘lsa yeyman-da.
— Yo‘q bo‘lsa yo‘q-da, — debdi askar.
Shu payt u bir chetda turgan boltani ko‘rib qolibdi.
— Agar hech narsa topilmasa, boltadan bo‘tqa pishira qolamiz,
— debdi u.
Kampir uning bu gapiga anqayib qolibdi:
— Nima? Boltadan ham bo‘tqa pishirib bo‘larkanmi?
— Hozir ko‘rasiz-da, — debdi askar. — Qani, qozonni
keltiring-chi.
Kampir qozonni o‘choqqa osgach, askar boltani yuvib, uni
qozonga tashlabdi, keyin ustidan suv quyibdi. Kampir hanuz
anqaygancha askarni kuzatib turarkan. Askar qaynay boshlagan
suvni qoshiq bilan bir-ikki shopirib, so‘ng tuzini tatib ko‘ribdi.
— Xo‘sh, qalay? — deb so‘rabdi kampir.
— Hademay pishadi, — debdi askar. — Lekin tuzi pastroqqa
o‘xshaydi. Tuz topilmaydimi sizda?
— Tuz bor. Mana olaver.
Askar suvga tuzni tashlab, yana bir qoshiq tatib ko‘ribdi.
— Juda zo‘r, — debdi u. — Agar ozgina un ham solinsa,
rohatijon bo‘lardi.
Kampir shoshilganicha borib, bir xalta un olib kelibdi.
— Mana, un. Solaver, bo‘tqa bo‘tqadek bo‘lsin-da.
Askar unni solib, yana rosa qaynatibdi. Keyin ozgina tatib
ko‘rib, hamon undan ko‘zini uzmay turgan kampirga qarabdi.
— Oh, oh, qiyom bo‘p ketibdi-ku, — deb labini yalab
qo‘yibdi. —Agar jindakkina yog‘ ham solinsa, yeb to‘ymaydigan
bo‘tqa bo‘ladi.
Kampirning uyidan yog‘ ham topilibdi. Shunday qilib, bo‘tqani
pishirishibdi.
— Qani qoshiqni olib keling, — debdi askar.
Bo‘tqani ikkovlon maqtab-maqtab yeyishibdi.
— Oddiy boltadan shunday zo‘r bo‘tqa tayyorlasa bo‘larkan-u,
men bilmay yurgan ekanman, — ajablanibdi kampir.
Askar esa asta jilmayib qo‘yibdi.
www.ziyouz.com kutubxonasi

---

2 8