Bo’lajak millionerga maslahatlar

10-afsona. “Biror ish boshlash uchun albatta katta miqdordagi merosga ega 
bo’lish kerak”. 
Bo’lmagan gap, chunki boy bolish uchun merosning o’zi kifoya emas. Amalda 
hammasi boshqacha bo’ladi: qashshoq ruhiyatiga ega inson katta pulga erishganida 
ham hech narsa qila olmaydi. Aksincha, hamma ishni chippakka chiqaradi yoki 
boshqalarning chippakka chiqarishiga yo’l qo’yib beradi. Va natijada tez orada 
avvalgi qashshoq ahvoliga qaytadi. Xech qanday pul mablag’isiz, ajoyib g’oyasi 
bilangina boy-badavlat bo’lganlar yurtimizda ham, chet ellarda ham bisyor! 
Mana sizni boy bo’lish imkoniyatidan ayirib turgan ruhiy to’siqlardan bir 
qanchasini tahlil qilib chiqdik. E’tibor bergan bo’lsangiz, bu hayollarning hech 
bo’lmasa bittasi boshingizdan kechgan. Siz ularni yenga olsangizgina, 
muvaffaqiyatga erishishingiz mumkin. Yo’qsa millionlar, milliardlar ham (ular xoh 
dollar shaklida bo’lsin, xoh yevro shaklida) sizni qashshoqlikdan qutqara olmaydi. 
Kambag’allik romantikasidan keskin ravishda voz keching, uning davri o’tdi. 
Xozirgi davrda biznes infratuzilmalari va kommunikatsion texnologiyalar shu 
qadar rivojlanganki, boy bo’lish ilgarigi davrlardan ko’ra ancha oson bo’lib 
qolgan. Yarating, jamg’aring, boying va o’zingizga, atrofdagilarga huzur baxsh 
eting. Bu sizning qo’lingizdan keladi! 
 
 
 

---

AYUPOV RAVSHAN HAMDAMOVICH 
 
1.7. Kambag’allikdan qutulish uchun “Nima qilmoq kerak?” 
«Shaxsan men qulupnayni qaymoqqa botirib eyishni yaxshi ko’raman,
ammo baliqlar nimagadir chuvalchanglarni sevishadi. 
 Shuning uchun baliq oviga qaymoq va qulupnay emas,
chuvalchang g’amlab boraman». 
 
 
 
 
 
 
 
 
 
Deyl Karnegi
. 
Keling, bolalikka qaytib, ertaklar olamiga biroz sayohat qilamiz: 
Yodimda o’sha damlar 
O’zi uchar gilamlar 
Tohir, Zuhra, yoriltosh, 
Oyni yaltirgan qosh . . .
Yodingizdami? Sehrli tayoqcha-chi? Ertaklarda bular juda go’zal tasvirlanadi. 
Real hayotda esa hammasi biroz boshqacharoq, ya’ni xech narsa o’z-o’zidan paydo 
bo’lib qolmaydi. Ha, bu – noxush xabar. Ammo na iloj … 
Mana bunisi esa xushhabar: siz – o’zingiz uchun sehrli tayoqchasiz! Rost-da! 
Yana kim sizni omadli tadbirkor yoki hurmatga sazovor firma boshlig’i qilishi 
mumkin? Aristotel Onassis va Genri Ford, Este Lauder va Bill Geyts, Jon 
Rokfeller va Uorren Baffet – bugun dunyo taniydigan bu insonlar o’z-o’zlari uchun 
sehrli tayoqcha bo’la olgan edilar. Albatta, katta pulni topish uchun yaxshigina 
malaka va tayorgarlik zarur. Ammo natija bunga arzimaydimi? 
Tasavvur qiling-a … 

Sevgilingizga olmos ko’zli uzuk sovg’a qilganingizda, uning 
ko’zlarini… 

Ota-onangizni hajga olib borganingizda, ularning duoga ochilgan 
qo’llarini …
 

Farzandlaringizga: “Qayerda o’qishni istaysan: New Yorkdami 
yoki Garvardda? Balki Kembrijdadir? Tanla!” deganingizda, uning 
quvonchini …