Bola sezgisi asosiy turlarining rivojlanishi va idroki Butun bog‘cha yosh davri mobaynida ko‘z sezgirligining o‘tkirligi ortadi. Shuningdek

2) “So‘z ayt” mashqi.
Yo‘riqnoma: Pedagog-psixolog to‘pni o‘ng tomonidagi bolaga beradi.
Bola to‘pni ushlashi va “M” harfi bilan boshlanadigan har qanday so‘zni
aytadi va to‘pni keyingi bolaga beradi. So‘z aytib bera olmagan bolalar
o‘yindan chetlatiladi. O‘yin oxirida yutgan bolani bolalar birga bo‘lib
olqishlaydilar.
3) “Uchadi-uchmaydi” o‘yini
Yo‘riqnoma: Bolalar kattalarning so‘zlariga mos ravishda javob
berishlari va harakatlarni bajarishlari kerak bo‘ladi.
Pedagog-psixolog: “Diqqat bolalar! Endi men kim (nima) ucha olishini
yoki kim (nima) ucha olmasligini bilib olamiz. Men so‘rayman, sizlar (yakka
tartibda so‘rash ham mumkin) tez javob berasiz. Agar men biror nima (kim)
nomini aytsam, masalan “ninachi ucha oladimi?”, sizlar “ha, ucha oladi”
deysizlar va u qanday uchishini ko‘rsatasizlar. Agar men sizdan “uloqcha
uchadimi?” deb so‘rasam, jim turing va qo‘llaringizni ko‘tarmang, kelishdikmi,
demak boshladik”.
Eslatma: Ro‘yxat: burgut, ilon, divan, kapalak, stul, qo‘zichoq, qaldirg‘och,
samolyot, daraxt, uy, chumchuq, chumoli, qayiq, dazmol, chivin, stol, it, vertolyot,
gilam va h.k.
Ushbu o‘yinda bolalardan kim xato qilsa, o‘yindan chiqib turadi. O‘yin
oxirida yutgan bolani bolalar birga bo‘lib olqishlaydilar. Bunda bolalarda
yutkazish va yutkazganda g‘olibni olqishlash hissi shakllanadi va (yoki)
rivojlanadi.