Бола – одоби билан азиз (Фарзанд тарбиялашда ота-оналарга маслаҳатлар) Нашрга тайёрловчи: Зиёвуддин Раҳим

Bolalar lug‘ati
Shijoat
– dadillik, botirlik, jasurlik, mardonavorlik, 
intilish.
Jasorat
– mardlik, qo‘rqmaslik, qahramonlik, 
botirlik, dovyuraklik.

---

– 324 –
Matonat
– mustahkamlik, qat’iylik, salobat, bardosh, sabot, 
chidam.
Foydali nasihatlar
1. Mard bilan ulfat bo‘lgan murodga etadi, 
nomard bilan yaqin yurgan kishi g‘amdan boshi 
chiqmaydi.
2. Mard (mo‘min-imonli) odamning va’dasi ham 
naqd, ham tez bo‘ladi.
3. Shijoat bu yurakning quvvatidir. Agar tanada 
etarli kuch bo‘lib, qalbda shijoat bo‘lmasa, befoydadir. Ammo tana 
kuchsizroq bo‘lsa ham, ammo qalbda g‘ayrat-shijoat bo‘lsa, tananing 
kuchsizligi ahamiyatsizdir.
4. Odamlarning botiri kelajakdagi ishlardan qo‘rqmaydi.
5. Qo‘rqmasang – yov qochar.
6. Kamolot hosil qilishdan chetlangan kishi odamlarning eng 
qo‘rqog‘idir.
7. Jahon ahli shijoatnikidir.
Jasur o‘g‘lon
(Ibratli hikoya)
Ibn Qutayba hikoya qiladiki, Umar ibn Xattob yo‘l bo‘yida 
o‘ynayotgan bolalar oldidan o‘tayotgan edi. Ular orasida yosh 
Abdulloh ibn Zubayr ham o‘ynayotgan edi. Hazrati Umarni 
ko‘rgan zahoti salobatidan qo‘rqib, bolalar o‘zini chetga olishdi. 
Lekin bir bolakay joyida qimirlamay turaverdi. Undan boshqa 
hech kim qolmadi. Mo‘minlar amiri unga yaqin keldi-da, tabassum 
qilib:
– Nega do‘stlaring kabi sen ham chetga chiqmading? – deb 
so‘radi. Bola hazrati Umarga:
– Ey mo‘minlar amiri, aybim yo‘qki, sizdan qo‘rqsam, yo‘l ham 
tor emaski, sizga bo‘shatay desam, – deya mag‘rur javob qildi. 
Bolaning shijoatidan hazrati Umar xursand bo‘ldi. Kelajakda ulug‘ 

---

– 325 –
inson bo‘lishiga umid bog‘ladi. Yillar o‘tib, bu umid haqiqatga 
aylandi. Bola ulg‘ayib, zamonaning ulug‘laridan biri – sarkarda 
Abdulloh ibn Zubayr bo‘lib etishdi.