Bog‘chadan boshlanishi va butun umr davom etishi lozim

 
2.6. O’yin mashqlar. 
Ta’lim jarayonining muvaffaqiyati o’qituvchining ilmiy-metodik saviyasiga va pedagogik 
mahoratining yuqori darajada bo’lishi, zamon bilan hamnafasligi, o’quvchilarning bilish faoliyatini faollashtirish va 
boshqarish ko’nikmalariga bog’liq bo’ladi.
 
Biologiyani o’qitishda, boshqa didaktik o’yinlar bilan bir qatorda o’yin mashqlardan o’z o’rinda va samarali 
foydalanish maqsadga muvofiq. 
O’yin mashqlar uchun televideniya va matbuot orqali berib borilayotgan va o’quvchi yoshlarning eng qiziq 
mashg’ulotiga aylangan o’yinlarni andoza qilib olish mumkin. 
Bular jumlasiga «Zakovat», «Zinama-zina» kabilarni kiritish mumkin. Mazkur o’yinlarda o’quvchilar, avvalo, o’z 
kuchi va bilimlarini sinab ko’radilar va yana ularning aksariyati shu o’yinlar ishtirokchisi bo’lishni orzu qiladilar. 
Zamon bilan hamnafas ishlayotgan har bir o’qituvchi o’quvchilardagi bu istak va orzularni amalga oshirish uchun 
ta’lim jarayonida shunga o’xshash o’yinlarni o’z vaqtida o’tkazishi o’quvchilarning bilim olishga bo’lgan qiziqishlarini 
orttirish va bilish faoliyatini faollashtirishga zamin tayyorlaydi. 
Quyida o’rta maxsus va kasb-hunar ta’limi muassasalarida o’qitiladigan «Biologiya» (Evolyutsiya va 
ekologiya asoslari) o’quv fanidan evolyutsiya asoslari bo’limini yakunlashda o’tkaziladigan o’yin mashqning loyihasi va 
texnologik xaritasi berilmoqda. 
Darsning mavzusi. 
Evolyutsiya asoslari yuzasidan umumlashtiruvchi dars. 
Darsning ta’limiy maqsadi. 
O’quvchilarning biologiya o’quv fanlaridan o’zlashtirgan bilimlarini umumlashtirish, 
ularning javobidagi tipik xatoliklarni aniqlash va ularga barham berish. 
Darsning tarbiyaviy maqsadi.
O’quv fani yuzasidan o’zlashtirgan bilimlari asosida o’quvchilarning ilmiy 
dunyoqarashini kengaytirish, aqliy va axloqiy tarbiya berish. 
Darsning rivojlantiruvchi maqsadi. 
O’quvchilarning umumiy va xususiy biologik tushunchalarini, darslik va 
qo’shimcha o’quv adabiyotlari ustida mustaqil ishlash, mustaqil fikr yuritish ko’nikmalari, nutq va muloqot madaniyatini 
rivojlantirish.