Боғланишлар* Муқаддима I боб. Бухгалтерия ҳисоби ҳисобварақлар режасининг умумий тавсифи

Молиявий фаолият бўйича харажатларни
ҳисобга олувчи счётларнинг (9600) боғланиши

Мазкур гуруҳ счётлари молиявий фаолият бўйича харажатлар тўғрисидаги ахборотни умумлаштириш учун мўлжалланган.

Ҳисоб қуйидаги счётларда амалга оширилади:
9610 "Фоизлар кўринишидаги харажатлар";
9620 "Валюталар курслари фарқидан зарарлар";
9630 "Қимматли қоғозларни чиқариш ва тарқатиш бўйича харажатлар";
9690 "Молиявий фаолият бўйича бошқа харажатлар".
Ҳисобот даври давомида ушбу счётларнинг дебетида молиявий фаолият билан боғлиқ бўлган барча харажатлар жамланади.
Ҳар бир ҳисобот даврининг охирида ушбу счётлар бўйича жамланган айланмаларнинг умумий суммаси 9910 "Якуний молиявий натижа" счётига ёпилади.

Т/р	Хўжалик операциясининг мазмуни	Боғланувчи счётлар			Ёзувларни тасдиқловчи ҳужжатлар
		дебет	кредит
1	Қисқа (узоқ) муддатли банк кредити бўйича фоизлар ҳисобланган	9610	6920	Шартнома, фоиз тўловлари бўйича ҳисоб-китоб жадвали
2	Қисқа (узоқ) муддатли қарзлар бўйича фоизлар ҳисобланган	9610	6920	Шартнома, фоиз тўловлари бўйича ҳисоб-китоб жадвали
3	Молиявий ижара шартномаси бўйича ҳисобланган тўланадиган фоизлар суммаси акс эттирилган	9610	6920	Шартнома, фоиз тўловлари бўйича ҳисоб-китоб жадвали
4	Валюта кассаси ва валюта ҳисоб-китоб счётидаги маблағлар қолдиғини қайтадан санаш натижасида ЎзР МБ курси бўйича вужудга келган манфий курс фарқи акс эттирилган	9620	5020, 5210, 5220	Валюталарнинг амалдаги курси бўйича ҳисоб-китоб
5	Курс фарқини ҳисобга олишнинг тўғри усули билан чет эл валютасида олинган қисқа муддатли банк кредити бўйича манфий курс фарқи акс эттирилган	9620	6810	Валюталарнинг амалдаги курси бўйича ҳисоб-китоб
6	Курс фарқини ҳисобга олишнинг тўғри усули билан чет эл валютасида олинган узоқ муддатли банк кредити бўйича манфий курс фарқи акс эттирилган	9620	7810	Валюталарнинг амалдаги курси бўйича ҳисоб-китоб
7	Курс фарқини ҳисобга олишнинг тўғри усули билан чет эл валютасида олинган қисқа муддатли қарз бўйича манфий курс фарқи акс эттирилган	9620	6820	Валюталарнинг амалдаги курси бўйича ҳисоб-китоб
8	Курс фарқини ҳисобга олишнинг тўғри усули билан чет эл валютасида олинган узоқ муддатли қарз бўйича манфий курс фарқи акс эттирилган	9620	7820	Валюталарнинг амалдаги курси бўйича ҳисоб-китоб
9	Курс фарқини ҳисобга олишнинг тўғри усули билан чет эл валютасида ифодаланган қисқа муддатли ва узоқ муддатли қимматли қоғозлар бўйича манфий курс фарқи акс эттирилган	9620	0610, 5810	Валюталарнинг амалдаги курси бўйича ҳисоб-китоб
10	Курс фарқини ҳисобга олишнинг тўғри усули билан илгари ҳисобдорлик асосида берилган чет эл валютасида ифодаланган дебиторлик қарзи бўйича манфий курс фарқлари акс эттирилган	9620	4010-4890	Валюталарнинг амалдаги курси бўйича ҳисоб-китоб
11	Курс фарқини ҳисобга олишнинг тўғри усули билан чет эл валютасидаги қисқа муддатли кредиторлик қарзи бўйича манфий курс фарқлари акс эттирилган	9620	6010-6990	Валюталарнинг амалдаги курси бўйича ҳисоб-китоб
12	Курс фарқини ҳисобга олишнинг тўғри усули билан чет эл валютасидаги узоқ муддатли кредиторлик қарзи бўйича манфий курс фарқлари акс эттирилган	9620	7010-7920	Валюталарнинг амалдаги курси бўйича ҳисоб-китоб
13	Курс фарқини ҳисобга олишнинг жамлаш усули билан манфий курс фарқлари харажатларга киритилган	9620	3290	Валюталарнинг амалдаги курси бўйича ҳисоб-китоб
14	Қўйилган маблағлар (қимматли қоғозларга, шуъба корхоналарга ва ҳоказолар) қайта баҳолангандан кейин зарарлар олинган	9690	0610-0690, 5810-5890	Валюталарнинг амалдаги курси бўйича ҳисоб-китоб
15	Ҳисобот даврининг охирида молиявий фаолият бўйича харажатларни ҳисобга олувчи счётларда ҳисобга олинган харажатлар 9910 "Якуний молиявий натижа" счётига ҳисобдан чиқарилган	9910	9610, 9620, 9630, 9690	Бухгалтериянинг ҳисоб-китоби