Боғланишлар* Муқаддима I боб. Бухгалтерия ҳисоби ҳисобварақлар режасининг умумий тавсифи

Узоқ муддатли инвестицияларни ҳисобга
олувчи счётларнинг (0600) боғланиши

Бошқа корхоналарнинг қимматли қоғозларига, мамлакат ҳудудида ва хорижда тузилган шуъба ва қарам хўжалик жамиятлари ҳамда бошқа корхоналарнинг устав капиталларига қилинган узоқ муддатли инвестициялар (қўйилмалар)нинг мавжудлиги ва ҳаракати тўғрисидаги ахборотларни умумлаштириш қуйидаги счётларда амалга оширилади:

0610 "Қимматли қоғозлар";
0620 "Шуъба хўжалик жамиятларига инвестициялар";
0630 "Қарам хўжалик жамиятларига инвестициялар";
0640 "Чет эл капитали мавжуд бўлган корхоналарга инвестициялар";
0690 "Бошқа узоқ муддатли инвестициялар".
Уларнинг харид қилиниши пул маблағларини ҳисобга олувчи счётлар билан боғланган ҳолда узоқ муддатли инвестицияларни ҳисобга олувчи счётларнинг дебетида ҳисобга олинади, узоқ муддатли инвестицияларнинг ҳисобдан чиқарилиши, текинга берилиши, устав капиталига улуш сифатида берилиши оқибатида чиқиб кетиши эса - ушбу счётларнинг кредитида акс эттирилади.
Инвестициялар бухгалтерия ҳисобини тартибга солувчи асосий меъёрий ҳужжатларга қуйидагилар киради:
- Ўзбекистон Республикаси Бухгалтерия ҳисобининг миллий стандарти (8-сон БҲМС) "Жамланган молиявий ҳисоботлар ва шуъба хўжалик жамиятларига сармояларни ҳисобга олиш" (Молия вазирлиги томонидан 1998 йил 14 октябрдаги 50-сон билан тасдиқланган ва ЎзР АВ томонидан 1998 йил 28 декабрда 580-сон билан рўйхатдан ўтказилган);
- Ўзбекистон Республикаси Бухгалтерия ҳисобининг миллий стандарти (12-сон БҲМС) "Молиявий инвестицияларни ҳисобга олиш" (Молия вазирлиги томонидан 1998 йил 23 декабрдаги 65-сон билан тасдиқланган ва ЎзР АВ томонидан 1999 йил 16 январда 596-сон билан рўйхатдан ўтказилган).

Т/р