Боб. Бизнес субъекти, ундан манфаатдор тарафлар ва

2.5.
 
§. Давлат бошқаруви ва ижтимоий жавобгарлик.
Мамлакатни ривожланиши ва барқарор фаолияти унинг бизнес билан 
ҳамкорлигига
боғлиқдир. Давлат ва бизнес ўртасида тўғри ва манфаатли алоқа 
шаклланса унинг натижасидан давлат, жамият ва бизнес манфаат кўради, чунки 
ушбу муносабатлар тизимида муштараклик мавжуддир. Агар манфаатлар 
муштараклиги тамойили бузилса, барча тарафлар ундан зарар кўради. Шу сабабли 
ривожланган давлатлар ушбу тарафлар манфаатлари балансини ушлаб туришга 
ҳаракат қилади.
Давлат ва бизнес ўртасидаги муносабатлар уларнинг катта, ўрта ёки кичик 
бўлишидан қатъий назар доимо мураккаб, кўп даражали ва ўлчовли ҳодиса 
сифатида уларнинг бажарадиган ролига боғлиқ равишда кундалик ҳаётда ва 
жамият ҳаётининг турли жиҳатларда акс этади. Давлатнинг бизнес билан 
ҳамкорлиги
иш билан бандлик, иқтисодий ўсишни таъминлаш, хусусий мулкни 
ривожлантириш ва ҳимоя қилиш ҳамда фуқаролар турмуш даражасини яхшилашга 
қаратилган
манфаатларда намоён бўлади.
Давлат ва бизнеснинг ўзаро ҳамкорлиги давлатнинг инновацион ривожланиш 
даражасига қараб индустриаль ва инновацион тизимларга бўлинади. Индустриаль 
ҳамкорлик
тизимидаги давлат ва бизнес ўртасидаги муносабатларда давлат фақат 
мувофиқлаштириш ролини бажаради (15
- 
чизма).
ДАВЛАТ
15-
Чизма. Давлат ва бизнес ҳамкорлиги индустриаль тизими
мазмуни.
Ушбу тизимда давлат бизнесни ташкил этиш, уни юритиш ва ҳимоя қилиш 

---

тўғрисидаги қонунлар ва қоидаларни таъминлайди. Худди шунингдек жамиятда 
фанни ривожлантириш стратегиясини белгилайди, уни молиялаштиришни амалга 
оширади. Фаннинг илғор ишланмаларини бизнесга йўналтириш чора
-
тадбирларини 
ишлаб чиқади.
Илм
-
фан вакиллари томонидан яратилган ишланмаларнинг ҳуқуқий ҳимоясини 
таъминлаш механизмларини ҳам шакллантиради. Мазкур ривожланиш тизимида 
бизнес ва фан бири
-
биридан мустақил равишда фаолият юритади ҳамда улар 
ўртасидаги корпоратив ҳамкорлик фаолияти суст бўлади.
Давлат ва бизнеснинг ҳамкорлиги инновацион ривожланиш тизимида 
бирмунча муваффақиятли кўринишга эга бўлади. Ҳамкорликнинг ушбу тизимида 
манффатлар муштараклиги тамойили яққол ўз ифодасини топади. Давлат ва 
бизнес ҳамкорлиги фаннинг фаол иштироки туфайли янги кўринишига эга бўлади. 
Ушбу тузилмаларнинг ўзаро ҳамкорлиги натижалари жамият ва давлат 
ривожланишини юқори чўққиларга олиб чиқилишига сабаб бўлади (16
-
чизма).
ДАВЛАТ