Biznes rejaning asoslanganligi va ishonchliligi

Qisqacha xulosalar

Biznes-reja – korxonaning muxim xujjati bo‘lib, uni tayyorlash ko‘p vaqt va xodimlarning ishtirokini talab qiladi. Shu sababli biznes-redani ishlab chiqish jarayoni korxona rahbariyati tomonidan ma’lum ma’noda boshqarilishni talab qiladi.

Biznes-rejani ishlab chiqarishga rahbarlik qilish mos ravishda javobgarlik va mas’uliyatni ham anglatadi. Bajarilgan xisob-kitoblar, ko‘rsatkichlar va biznes-reja tarkibining ishonchliligi uchun asosan korxona rahbari javobgar xisoblanadi.

Biznes-rejani tayyorlashni samarali boshqarishdan uni tayyorlash uchun eng kam vaqt sarflanishi dalolat beradi. Eng optimal variant – rejadagi yangi yil boshiga biznes-rejaning tayyor bo‘lishidir.

Biznes-rejaning resurslar bilan ta’minlanganligi ushbu xujjatning muxim bir talabi va shu bilan bir paytda uning hayotiyligini aks ettiruvchi ko‘rsatkich hamdir. Bu yerda rejadagi davr uchun mahsulot ishlab chiqarishda qachon, qancha va qanday resurslar talab qilinishi va ularni qoplash manbalarini aniqlash kabi masalalar hal etilishi lozim.

Korxona bozor sub’ekti sifatida hozirgi sharoitlarda istasa-istamasa biznes va tadbirkorlik bilan bog‘liq bo‘ladi. Bozor talabi korxona faoliyatini o‘lchab turuvchi o‘ziga xos «barometr» vazifasini bajaradi. Bu esa korxonani o‘z biznesini sug‘urtalash, ayniqsa, tijorat, moliyaviy va boshqa bir qator risklarning oldini olishni talab qiladi.