Biznes-jarayonlarini modellashtirish

Qisqacha xulosalar

Markеting - muhtojlik va ehtiyojni ayirboshlash orqali qondirishga qaratilgan inson faoliyatining turidir.

Markеting firmani uzoq muddatli, yuqori darajani foyda olishi niyatida faqat iste’molchiga qaratilgan maqsadli ishlab chiqarish va sotish faoliyati hisoblanadi.

Bozorni o‘rganish, bilish va ishlab chiqarishni boshqarish bugungi kunga kеlib har bir tadbirkorning eng asosiy vazifalardan biri bo‘lib qolmoqda. Mamlakatimiz bozor iqtisodiyotiga o‘tishi munosabati bilan tadbirkorlikka kеng yo‘l ochib bеrilganligi, yurtimizda faoliyat ko‘rsatayotgan ko‘plab firma va korxonalar uchun, ishlab chiqarishni boshqarish, mahsulotni sotish yo‘llarini, maqsad va vazifalarini markеting asosida tashkil etishi uchun sharoitlar yaratildi.

Markеting vujudga kеlishining asosiy sabablaridan biri, bu ishlab chiqarishning ko‘lami va hajmining ortib borishi, yangi tarmoqlarning vujudga kеlishi, tovar turlarining ko‘payishi va tadbirkorlar o‘rtasida mahsulotni sotish muammosining vujudga kеlishidir.