Biznes huquqi fan sillabusi

Fan tavsifi

“Biznes huquqi” fani bozor munosabatlarini rivojlantirishda biznes faoliyatini amalga oshirishning huquqiy asoslari yaratilib, takomillashib borayotganligi, tadbirkorlarga keng imkoniyatlar, imtiyoz va preferensiyalar berilayotganligining mazmun-mohiyatini yanada chuqurroq bilishga hamda ularni tahlil qilishga qaratilgan.

O`quv fani subyektlari, ularning tashkiliy-huquqiy shakllari, biznes subyektlarini vujudga keltirish, faoliyatini tashkil etish, qayta tashkil etish, tugatishning huquqiy asoslari va tertibi, biznes huquqi subyektlarining mulkka nisbatan huquqlari, xo`jalik shartnomalari, ularning o`ziga xos xususiyatlari, buznes sub’yektlari faoliyatini moliyalashtirish va kreditlashning huquqiy asoslari, soliqqa oid munosabatlar, biznes sub’yektlarini davlat tomonidan qo`llab-quvvatlash, huquqiy himoya tizimi va javobgarlik asoslarini qamrab oladi.

2. 
   Fanning maqsadi
   

–biznes huquqining asosiy masalalarini yuzasidan chuqur bilim olishni ta’minlash;

–biznes huquqining nazariy bilimlarini egallash;

–biznes huquqining turli institutlarni tanqidiy tahlil etish va baholash uchun zaruriy bilimlar asosini ta’minlash;

–mantiqiy va tanqidiy fikrlash ko`nikmalarini shakllantirish;

–biznes huquqi nazariyasi va amaliyotiga dahldor ma’lumotlar bilan mustaqil ishlash ko`nikmasini shakllantirish;

–biznes qonunchiligini amalda qo`llash olish ko`nikmasini shakllantirish;

–biznes faoliyati bilan bog`liq hujjatlarni to`g`ri rasmiylashtirishni, ya’ni shartnomalar, talabnomalar va da’volarni o`rgatish;

–talabaning mustaqil ta’lim olishiga ko`maklashishdir.

III. Ta’lim berish natijalari

Ushbu fanni muvoffaqiyatli tugatib, talabalar quyidagi ko‘nikmalarga ega bo‘ladi:

1. 
   Biznes huquqining mohiyati nimada ekanligini tushunib oladi.
   
2. 
   Biznesni oqilona tashkil etish nima ekanligini anglaydi.
   

3. Biznesda vaziyatli va tizimli yondoshuv tamoyillaridan foydalanishni biladi.

4. Biznesda axborot va kommunikatsiyalardar samarali foydalanishni bilib oladi.

5. Talabalarga o‘zlarini rivojlantirishga va yuzaga keladigan aks ta’sirlarning oqibatlarini kamaytirish yo`llarini tahlil qilishga o‘rgatish.