Битирув малакавий иш

Malaka ish boblari va paragraflari
Beti
Kirish		5
I-bob	Раҳбарлик психологиясининг назарий асослари	7
1.1	Раҳбар шахси ва унга қўйиладиган талаблар	7
1.2	Раҳбарлик фазилатлари ва ижтимой-психологик хусусиятлари	13
II-bob	Раҳбарнинг бошқарув жараёнини самарали ташкил этишда психологик ёндашув	21
2.1	Rahbarlik ishini tashkil etish mahorati	21
2.2	Rahbar qobiliyatining psixologik таҳлили	26
Xulosa		33
Takliflar		34
Foydalanilgan adabiyotlar ro‘yxati		35
Ilovalar

KIRISH
Mavzuning dolzarbligi: Prezidentimiz o‘zining O‘zbekistonning bugungi istiqlol va istiqbol ylini ifodalovchi boshqa qator maʼruzalari, asarlarida ham iqtisodiyot bilan maʼnaviyat, inson ruhiyatining barkamolligi, hayotning o‘zaro ajralmas, bir-birini to‘ldiradigan, o‘zaro taʼsir, aks taʼsir etadigan muhim omillari ekanligini, ayni paytda bugungi iqtisodiy o‘nglanish, iqtisodiy tiklanish, iqtisodiy rivojlanishni, maʼnaviy o‘nglanish, maʼnaviy poklanish, maʼnaviy yuksalish harakatlari bilan tamomila uyg‘un bo‘lishini taʼminlashning muqarrar ijtimoiy zarurat ekanligini qayta-qayta taʼkidlaydi. Bu vazifalarning bajarilishi esa har bir shaxs va uning faoliyatini bugungi ijtimoiy iqtisodiy taraqqiyot tamoyillari qo‘ygan talablar asosida qaror toptirishga ko‘maklashuvchi psixologik xizmat jarayonining muvaffaqiyatli tatbiq etilishiga ham bog‘liq ekanligi shubhasizdir.
Zamonaviy rahbarning boshqarish uslublari, asosan, ongli ravishda muayyan maqsadlarga erishish uchun xizmat qiladi. Ular mohiyati va maqsadiga ko‘ra tarbiyaviy, moddiy-rag‘batlantiruvchi, maʼmuriy-tashkiliy turlarga bo‘linadi.
Tarbiyaviy uslub, insonning maʼnaviy takomillashishiga, ruhiyatiga va boshqa ijtimoiy xarakteriga mos ravishda tashkillashtiriladi.
Moddiy rag‘batlantiruvchi uslub esa mehnat samaradorligini oshirish, mahsulot sifatini yaxshilash uchun ishchilarni moddiy qiziqtirish maqsadida tashkil etiladi.
Maʼmuriy-tashkiliy uslub asosan jamiyat talablarini qondirishga qaratilgan bo‘lib, ishlab chiqarish jarayonini va mehnat taqsimotini rejali olib borish uchun qo‘llaniladi. Bu uslub ikki turda bo‘lishi mumkin: uzoq muddatga moslashtiriladigan va bir martalik bo‘lishi mumkin. Shart-sharoitiga ko‘ra, kerakli uslub qo‘llaniladi va bu takomillashtirib boriladi. Boshqarish uslublarini takomillashtirishdan asosiy maqsad daromadni to‘g‘ri taqsimlash, har bir ishchi, xizmatchining o‘z mehnatiga yarasha daromad olishini taʼminlashdir. Demak, boshqarish uslublarini hayotga shunday tadbiq etish kerakki, har bir inson mehnat qilsagina, turmushi yaxshi bo‘lishiga ishonch hosil qilsin.