Бирлашган Миллатлар Ташкилотининг Халқаро товарлар олди-сотдиси шартномалари тўғрисидаги

23-модда

Оферта акцепти мазкур Конвенциянинг қоидаларига мувофиқ кучга кирган пайтда шартнома тузилган деб ҳисобланади.

24-модда

Мазкур Конвенциянинг II қисми мақсадлари учун оферта, акцепт тўғрисидаги ариза ёки ниятнинг ҳар қандай бошқа ифодаланиши, улар унга оғзаки равишда маълум қилинган бўлса ёки ҳар қандай усулда унга шахсан, унинг тижорат корхонаси ёки унинг почта манзили бўйича- доимий яшаш жойига етказилган бўлса, адресат томонидан “олинган” деб ҳисобланади.

III-ҚИСМ. ТОВАРЛАР ОЛДИ-СОТДИСИ
I-боб. Умумий қоидалар ( 25-29-моддалар)
II-боб. Сотувчининг мажбуриятлари
( I-III-бўлимлар, 30-52-моддалар)
III-боб. Сотиб олувчининг мажбуриятлари
(I-III- бўлимлар, 53-65-моддалар)
IV-боб. Хавфнинг ўтиши ( 66-70-моддалар)
V-боб. Сотувчи ва сотиб олувчининг мажбуриятлари учун умумий бўлган қоидалар ( I-VI бўлимлар, 71-88-моддалар)


I-БОБ. УМУМИЙ ҚОИДАЛАР


25-модда

Шартномани жиддий равишда бузиш бир тарафни шартнома асосларига умид қилиш ҳуқуқидан сезиларли даражада маҳрум этган ҳолда, бошқа тараф ушбу натижани мантиқий равишда олдиндан кўра билмаган бўлса, шартномани бажармаслик ҳисобланади, шартномани бузган тараф бундай натижани пайқамаган ва шунга ўхшаш ҳолатларда худди шу сифатда ҳаракат қилувчи фаросатли шахс уни пайқамаган ҳоллар бундан мустасно.

26-модда

Шартномани бекор қилиш тўғрисидаги ариза иккинчи тарафга хабар бериш йўли билан қилинган бўлсагина кучга эга бўлади .

27-модда

Мазкур Конвенциянинг III-қисмида бошқа нарса тўғридан-тўғри кўзда тутилмаганлиги сабабли, агар тараф хабарнома, сўровнома ёки бошқа хабарни III-қисмга мувофиқ ва ушбу вазиятда лозим бўлган воситалар орқали берган ёки қилган тақдирда, хабарни узатишдаги кечиктириш ёки хато ёки унинг белгиланган жойга етказилмаслиги ушбу тарафни ўзининг хабарига таяниш ҳуқуқидан маҳрум қилмайди.

28-модда

Мазкур Конвенцияга мувофиқ тарафларнинг бири иккинчи тараф томонидан бирор-бир мажбуриятнинг бажарилишини талаб қилиш ҳуқуқига эга бўлса, суд натурада ижро қилиш тўғрисида қарор чиқаришга мажбур бўлмайди, мазкур Конвенция билан тартибга солинмайдиган шунга ўхшаш олди-сотди шартномаларига нисбатан ўзининг шахсий қонуни асосида қиладиган ҳоллардан ташқари.

29-модда

1) Шартнома тарафларнинг оддий келишуви йўли билан ўзгартирилиши ёки бекор бўлиши мумкин.

2) Шартноманинг ҳар қандай ўзгартирилиши ёки тарафларнинг келишуви билан бекор бўлиши ёзма шаклда амалга оширилишини талаб қиладиган қоидага эга бўлган ёзма шартнома тарафларнинг келишуви билан бошқача тарзда ўзгартирилиши ёки тугатилиши мумкин эмас. Бироқ тарафнинг ўзини тутиши, иккинчи тараф шундай тутиш лозим бўлган даражада қайд қилинган ҳолатга таяниш имконини истисно қилиши мумкин.