Биринчи маъруза

SQL \ Oracle элементлари

Алоев Р.Д.
SQL/Oracle
Э Л Е М Е Н Т Л А Р И


Тошкент 2021
Ушбу ўқув-услубий қўлланма SQL\Oracle тизимини илк бор ўрганувчиларига мўлжалланган бўлиб, унда SQL\Oracle элементлари қисқача баён этилади. Ушбу қўлланмадан, 5А330101 – Ахборот тизимларининг математик ва дастурий таъминоти мутахассислиги бўйича таҳсил олаётган магистрантларига мўлжалланган «SQL ORACLE» фани учун таянч ўқув қулланма сифатида фойдаланиш мумкин.

Тузувчи – ЎзМУ, ҳисоблаш математикаси ва ахборот тизимлари

кафедрасининг профессори, физика-математика фанлари доктори,
Алоев Рахматилло Джураевич

Тақризчи -

 Алоев Р.Д.

I БОБ

§1. ORACLE/SQL тилига кириш.

ORACLE/SQL тили ( Structured Query Language - Тузилмаланган сўровлар тили ) - бу шундай буйруқлар тўпламики, улар ёрдамида Oracle тизимидаги берилганлар базасига кириб берилганлар устида ҳар хил амаллар бажариш мумкиндир. Кўп ҳолларда Oracle тизимидаги амалий дастурлар ва ускунавий тизимлар ёрдамида юқорида айтилган SQL буйруқларидан фойдаланмасдан туриб берилганлар базасига кириш имконияти туғилади. Аммо, лекин ушбу амалий дастурлар ва ускунавий тизимларнинг ўзи, ўз навбатида SQL буйруқларидан фойдаланиб фойдаланувчиларнинг сўровларини бажаради. Ушбу бандда биз реляцион берилганлар базасига муносиб бўлган асосий маълумотлар билан танишамиз.

Бу бандда қуйидаги саволлар муҳокама қилинади:
 SQL тарихи;
 SQL стандартлари;
 SQL ижобий томонлари;
 Ички қурилган SQL;
 ORACLE/SQL - даги ёзиш қоидалари;
 ORACLE ускунавий воситаларида SQL дан фойдаланиш.

1.1. SQL тарихи.

Реляцион модел биринчи маротаба Э. Ф. Кодд томонидан 1970 йилларининг бошида ишлаб чиқилган. SQL тилининг биринчи версияси реляцион берилганлар базасини бошқариш System R номли тизим прототипи учун IBM фирмаси томонидан 1970 йилларининг ўрталарида яратилган. SQL тилининг ушбу версияси ( SEQUEL2 ) IBM фирмасининг IBM Journal of R & D журналининг 1976 й. ноябридаги сонида чоп этилган. 1979 йилда эса ORACLE корпорацияси SQL тилининг тижорат вариантини тавсия этди. Бундан ташқари SQL тили IBM фирмаси ишлаб чиқган DВ2 ва SQL/DS берилганлар базасини бошқариш учун ҳам ишлатилган эди. Ҳозирги кунларда SQL тили кенг ишлатилади ва берилганлар базаси билан ишлашга рухсат берадиган стандарт тил сифатида тан олинган.