Birinchi bo‘lim umumiy qoidalar I bob. Asosiy qoidalar 1-modda. Ma’muriy javobgarlik to‘g‘risidagi qonun hujjatlari

324⁴-modda. Kassatsiya shikoyatini (protestini) ko‘rib chiqish muddatlari
Sudning ma’muriy huquqbuzarlik to‘g‘risidagi ish bo‘yicha qarori ustidan berilgan kassatsiya shikoyati (protesti) u shikoyatni (protestni) ko‘rib chiqishga vakolatli sudga ishning barcha materiallari bilan kelib tushgan kundan e’tiboran bir oylik muddatda ko‘rilishi lozim.
Ushbu Kodeksning 51², 51³, 51⁴, 51⁵, 51⁶, 51⁷, 51⁸, 51⁹-moddalarida nazarda tutilgan sudning ma’muriy huquqbuzarliklar to‘g‘risidagi ishlar bo‘yicha qarori ustidan berilgan kassatsiya shikoyatlari (protestlari) shikoyatni (protestni) ko‘rib chiqishga vakolatli sudga barcha materiallar bilan kelib tushgan kundan e’tiboran besh kunlik muddatda ko‘rilishi lozim.
Sudning ma’muriy qamoqqa olish yoki ma’muriy tartibda chiqarib yuborish to‘g‘risidagi qarori ustidan berilgan kassatsiya shikoyati (protesti), agar ma’muriy javobgarlikka tortilgan shaxs ma’muriy qamoqni o‘tayotgan yoki ma’muriy tartibda chiqarib yuborilishi lozim bo‘lsa, shikoyat (protest) berilgan paytdan e’tiboran bir sutka ichida ko‘rilishi kerak.
324⁵-modda. Sud xabarnomalari va chaqiruvlari
Ishda ishtirok etuvchi shaxslar kassatsiya shikoyati (protesti) ko‘riladigan vaqt va joy haqida sud chaqiruv qog‘ozlari, telefonogrammalar, telegrammalar va xabardor qilinganligi fakti qayd etilishini ta’minlaydigan boshqa aloqa vositalari orqali xabardor qilinadi.
324⁶-modda. Kassatsiya shikoyatini (protestini) ko‘rish
Sudning ma’muriy huquqbuzarlik to‘g‘risidagi ish bo‘yicha qarori ustidan berilgan kassatsiya shikoyati (protesti) kassatsiya instansiyasi sudining sudyasi tomonidan yakka tartibda ko‘riladi.
Kassatsiya instansiyasi sudi ma’muriy huquqbuzarlik to‘g‘risidagi ishni sud majlisida ushbu paragrafda belgilangan xususiyatlarni hisobga olgan holda, ushbu Kodeksning XXIII bobida nazarda tutilgan ma’muriy huquqbuzarliklar to‘g‘risidagi ishlarni ko‘rish qoidalariga binoan ko‘rib chiqadi.
Sud kassatsiya shikoyatining (protestining) vajlari bilan chegaralanmay, ma’muriy huquqbuzarlik to‘g‘risidagi ish materiallarini to‘liq hajmda tekshiradi.
Oldingi tahrirga qarang.