Birinchi bo‘lim umumiy qoidalar I bob. Asosiy qoidalar 1-modda. Ma’muriy javobgarlik to‘g‘risidagi qonun hujjatlari

243-modda. Voyaga yetmaganlar ishlari bo‘yicha idoralararo komissiyalarning vakolatlari
Voyaga yetmaganlar ishlari bo‘yicha idoralararo komissiyalar o‘zlariga taalluqli ma’muriy huquqbuzarliklar to‘g‘risidagi ishlarni komissiya tarkibi a’zolarining kamida yarmi mavjud bo‘lganda ko‘rib chiqishga, ushbu Kodeksning Maxsus qismida nazarda tutilgan ma’muriy jazolarni o‘zlariga berilgan vakolatlar doirasida qo‘llashga hamda oddiy ko‘pchilik ovoz bilan qarorlar qabul qilishga haqlidir.
(243-modda O‘zbekiston Respublikasining 2017-yil 14-sentabrdagi O‘RQ-446-sonli Qonuni tahririda — O‘R QHT, 2017-y., 37-son, 978-modda)
244-modda. Mansabdor shaxslarning vakolatlari
Ma’muriy huquqbuzarliklar to‘g‘risidagi ishlarni ushbu Kodeksning 242-moddasi 4-bandida ko‘rsatilgan organlar nomidan ko‘rib chiquvchi mansabdor shaxslarning ro‘yxati qonun hujjatlari bilan belgilab qo‘yiladi.
Ma’muriy huquqbuzarliklar to‘g‘risidagi ishlarni ko‘rib chiqishga vakolati bo‘lgan mansabdor shaxslar ushbu Kodeksning Maxsus qismida nazarda tutilgan ma’muriy jazo choralarini o‘z vakolatlari doirasida va faqat xizmat burchini bajarib turgan chog‘dagina qo‘llanishlari mumkin.
XVIII bob. MA’MURIY HUQUQBUZARLIKLAR TO‘G‘RISIDAGI IShLARNING TAALLUQLILIGI
Oldingi tahrirga qarang.
245-modda. Ma’muriy sudlar
Oldingi tahrirga qarang.
Ma’muriy sudlar ushbu Kodeksning 40, 41, 42, 43, 44, 45, 46, 46¹, 46², 47, 47¹, 47², 47³, 47⁴, 47⁵, 48, 49¹, 49⁴, 51¹, 51², 51³, 51⁴, 51⁵, 51⁶, 51⁷, 51⁸, 51⁹, 52, 56, 57, 58, 59, 59¹, 60, 60¹, 61, 61¹, 61², 62, 64, 66, 67-moddalarida, 70¹-moddasining ikkinchi qismida, 70²-moddasining ikkinchi qismida, 76-moddasida (suv xo‘jaligi inshootlarini shikastlantirishga oid qismida), 77-moddasining uchinchi va to‘rtinchi qismlari, 90-moddasining ikkinchi qismida, uchinchi va to‘rtinchi qismlarida, 90¹, 94, 99, 100, 101 (umumiy foydalanishdagi issiqlik tarmoqlari va issiqlik energiyasini hisobga olish asboblariga oid qismida), 102, 103, 104, 105, 106, 107, 108, 110, 111-moddalarida, 112-moddasida (transport vositalarini boshqarish huquqidan mahrum etishga oid qismida), 116¹, 116²-moddalarida, 117-moddasining ikkinchi qismida, 119-moddasida, 125¹-moddasining ikkinchi qismida, 127-moddasining ikkinchi qismida, 128-moddasining to‘rtinchi qismida, 128¹-moddasining ikkinchi qismida, 128²-moddasining uchinchi qismida, 128³-moddasining to‘rtinchi va beshinchi qismlarida, 128⁴-moddasining to‘rtinchi qismida, 128⁵-moddasining uchinchi qismida, 129-moddasining ikkinchi qismida, 130-moddasining ikkinchi qismida, 131, 132, 133, 134-moddalarida, 136-moddasining birinchi va ikkinchi qismlarida, 137-moddasida, 142-moddasining ikkinchi qismida, 146-moddasining uchinchi qismida, 146¹-moddasida, 147-moddasida (avtomobil yo‘llarini o‘zboshimchalik bilan qazish, ularda sun’iy notekisliklar va to‘siqlar yaratish, avtomobil yo‘lida ishlarni amalga oshirish uchun berilgan ruxsatnoma talablarini bajarmaslik, shuningdek yo‘llarni saqlash qoidalarini buzish), 148-moddasida (ajratilgan mintaqalarda va yog‘och ko‘priklardan 100 metrgacha bo‘lgan masofada olov yoqqanlik, taxta to‘shamali ko‘priklarda chekkanlik uchun), 149, 150-moddalarida, 151-moddasining ikkinchi qismida, 152-moddasining ikkinchi va uchinchi qismlarida, 155, 155¹, 155², 157, 158, 159-moddalarida, 160-moddasining birinchi qismida, 160¹, 161, 163, 163¹-moddalarida, 164, 165, 165¹, 166, 167, 169, 170, 171, 171¹, 172, 173-moddalarida, 174-moddaning birinchi va ikkinchi qismlarida, 174¹, 175, 175¹, 175², 175³, 175⁴, 175⁵, 175⁶, 176, 176², 176³, 176⁴, 177, 177¹, 177², 178, 178¹, 179, 179¹, 179², 179³, 179⁴, 179⁵, 180, 181, 182, 183, 184¹, 184², 184³, 185, 185¹, 186, 186¹-moddalarida, 187-moddasining ikkinchi qismida, 188, 188¹, 188², 188³, 189, 189¹, 190, 191, 192¹, 193, 193¹, 193², 193³, 194, 194¹,195, 195¹, 196, 196¹, 197, 197¹, 197², 197⁴, 197⁵, 198, 198³, 199, 200, 200¹, 201, 202, 202¹, 203, 203¹, 204, 204¹, 205, 206, 207, 208, 209, 209¹, 210, 210¹, 215², 215⁴, 216, 217, 218, 219¹-moddalarida, 220-moddasining birinchi va ikkinchi qismlarida, 222, 224¹, 224²-moddalarida, 225-moddasining yettinchi va sakkizinchi qismlarida, 225¹, 226-moddalarida, 227⁴-moddasining birinchi — to‘rtinchi qismlarida, 227⁸, 227⁹, 227¹³, 227¹⁴, 227¹⁵, 227¹⁶, 227¹⁷, 227¹⁸, 227¹⁹, 227²⁰, 227²¹, 227²², 227²³, 227²⁴, 227²⁵, 227²⁶, 227²⁷-moddalarida, 228-moddasida (muhrlar (plombalar) tabiatni muhofaza etish to‘g‘risidagi qonun hujjatlari buzilganligi uchun qo‘yilgan hollar bundan mustasno), 230, 231, 232, 233, 234, 237, 238, 239, 239¹, 240, 241, 241¹ — 241⁸, 241¹⁰ va 241¹¹-moddalarida nazarda tutilgan ma’muriy huquqbuzarliklar haqidagi ishlarni ko‘rib chiqadi.
(245-moddaning birinchi qismi O‘zbekiston Respublikasining 2020-yil 21-iyuldagi O‘RQ-629-sonli Qonuni tahririda — Qonun hujjatlari ma’lumotlari milliy bazasi, 22.07.2020-y., 03/20/629/1087-son)
Agar huquqbuzar huquqbuzarlik faktini inkor etsa, ma’muriy sudlar ma’muriy huquqbuzarliklar to‘g‘risidagi boshqa ishlarni ham, xuddi shuningdek sodir etilgan ma’muriy huquqbuzarlikning kam ahamiyatliligi sababli huquqbuzarni ma’muriy javobgarlikdan ozod qilish haqidagi yoki yengilroq ma’muriy jazo qo‘llash to‘g‘risidagi masalalarni hal etish uchun o‘zlariga topshirilgan ishlarni ham bevosita ko‘rib chiqadi.
Tadbirkorlik faoliyatini amalga oshirish chog‘ida yakka tartibdagi tadbirkorlar va (yoki) ularning xodimlari, yuridik shaxs bo‘lgan tadbirkorlik subyektlarining mansabdor shaxslari va (yoki) boshqa xodimlari tomonidan sodir etilgan ma’muriy huquqbuzarliklar to‘g‘risidagi ishlarni ham ma’muriy sudlar ko‘rib chiqadi, ushbu Kodeksning 283-moddasida nazarda tutilgan hollar bundan mustasno.
(245-modda O‘zbekiston Respublikasining 2018-yil 29-yanvardagi O‘RQ-463-sonli Qonuni tahririda — Qonun hujjatlari ma’lumotlari milliy bazasi, 30.01.2018-y., 03/18/463/0634-son — 2018-yil 1-apreldan kuchga kiradi)
LexUZ sharhi
Qarang: O‘zbekiston Respublikasi Oliy sudi Plenumining 2018-yil 30-noyabrdagi 35-son “Sudlar tomonidan ma’muriy huquqbuzarlik to‘g‘risidagi ishlarni ko‘rishni tartibga soluvchi qonunlarni qo‘llashning ayrim masalalari to‘g‘risida”gi Qarorining 2-bandi.
Oldingi tahrirga qarang.