Биологиядан факультатив машғулотларни ташкил этиш

Информатика фанидан
қўшимча машғулотнинг
ўқув дастури
Тушунтириш хати
Дастур умумтаълим мактаб дастури асосида тузилган. Қўшимча дастурда ўқувчилар томонидан асосий дарс жараёнида эгаллаган билим, кўникма ва малакаларини янада кенгроқ эгаллашлари учун имконият яратилган.
Қўшимча машғулотларнинг мақсади:

• 
  Информатика фанининг турли соҳалари бўйича ўқувчиларнинг билимларини чуқурлаштириш ва кенгайтириш, информатикани ўрганишга бўлган қизиқишларини ривожлантириш, узлуксиз таълим тизимининг кейинги турларида ўқишни давом эттириш ёки онгли равишда касб танлашга ёрдам бериш;
  
• 
  Ахборот коммуникацион технологияларидан фойдаланиб ўқувчиларнинг дунёқарашини кенгайтириш табиатнинг моддий бирлигини унинг яхлитлигини илмий тасаввур қилиш. Табиатда содир бўлаётган воқеа ва ҳодисаларнинг табиий-илмий сабабларини билиш, сабаб-оқибат боғланишларини тушунишга имкон яратиш;
  
• 
  Ахборот коммуникацион технологияларини ривожланишининг илмий асосларига эътиборни қаратиш, ўқувчиларни турли русумдаги компьютерларни имкониятини турли муассасаларга экускурсия ташкил этиб турли соҳада уларни қўлланилишини намойиш этиш орқали уларнинг касб танлашга, жумладан, транспорт, медицина, банк, алоқа ва х.к каби ихтисосликлар билан таништиришга шароит яратиш;
  
• 
  Ўқувчиларнинг экологик маданиятни такомиллаштириш , табиатга нисбатан онгли ва омилкорона муносабатни таркиб топтиришда ахборот коммуникацион технологияларини ахамиятини кўрсатиш;
  
• 
  Ўқувчиларнинг ўз организми, соғлигини асраш, профилактика чора-тадбирлари, врач ташҳиси, саноат корхоналари, қурилиш, архитектура ва қишлоқ хўжалиги ишлаб чиқаришдаги хавфсизлик чора-тадбирлари, ишни илмий асосда ташкил этиш ҳақидаги билимларни кенгайтиришда ахборот коммуникацион технологияларини ўрнини кўрсата билиш;
  
• 
  Ўқувчиларнинг гигеник таълим-тарбиясини амалга ошириш, чекиш, нотўғри овқатланиш, кун тартибига амал қилмасликнинг зарарини тушунтиришда ахборот коммуникацион технологияларидан унумли фойдаланиш;
  
• 
  Ўқувчиларда шарқона одоб-аҳлоқ, инсоний фазилатларни шакиллантириш, улар онги ва қалбига миллий истиқлол ғояларни сингдириш, миллий ва умуминсоний қадрятларга ҳурмат, Она- Ватанга садоқат руҳида тарбиялашда, туризимни ривожлантиришда ахборот коммуникацион технологияларини қўллаш.
  

Умумий ўрта таълим мактабларининг 5-9-синфларида информатикадан қуйидаги йўналишларда қўшимча машғулотлар ташкил этиш тавсия этилади.

№	Қўшимча машғулотлар	Соатлар	Синфлар
1	Клавиатура билан ишлаш ва матн теришга йўналтирилган “10 та бармоқ моҳир устаси ” График муҳарририда ишлаш”, “Компьютер графиги устаси”	17	5
2	Word матн муҳарририни имкониятларини очиб берувчи “Ҳужжат тайёрловчи уста” Word ART имкониятидан фойдаланиб ҳужжатларни безашга йўналтирувчи. “ Ҳужжат – дизайнчиси”	17	6
3	PowerPoint дастури ёрдамида тақдимот яратишга йўналтирилган “Тақтимот-дизайнчи”	17	7
4	Архиваторлар, антивирусларни ўрнатиш ва фойдаланиш. Электрон жадвалнинг (Excel) кенг имкониятини очиб берувчи “Моҳир ҳисобчи”	17	8
5	Дастурлаш тилини ўргатишга йўналтирилган “Моҳир дастурчи” Веб сайт яратишга йўналтирилган “Веб-дизайнчи”	17	9

Қўшимча машғулотлар учун тавсия этилаётган йўналишларни белгилаш жараёнида амалдаги мактаб дастурини тўлақонли бажариш, айрим қийин ўзлаштирилаётган мавзуларни кенгайтириб ўқитишга алоҳида эътибор қаратилди.