"Biofizikadan amaliy mashg’ulotlar" o’quv qo’llanmasi umumiy biofizika kursining fizikа-kimyo va elektrobiologiya bo’limlariga taаlluqli amaliy mashg’ulotlarning nazariy va amaliy masalalarni o’z ichiga oladi

 
Ish uchun zarur vositalar
: pH-metr, platina va xlorlangan kumush elektrodlari, 50 ml 
hajmli (keng bo`yinli) konussimon kolbacha, og`ziga sig`adigan rezina tiqin, t-shaklidagi shisha 
naycha, qisqich, agarli sifoncha, pipetkalar, achitqi zamburug`ining 18% li suspenziyasi, azot 
to`ldirilgan ballon yoki yostiqcha, mikrokompressor. 

---

45 
 
Yacheykani yig`ish.
Konus shaklidagi kolbachani yopishga mo`ljallangan tiqin orqali 
platina elektrodi, agarli sifonchaning bir bandi, t-shaklidagi va to`g`ri shisha naychalar 
o`tkaziladi. Mazkur elementlar kolbacha tagigacha yotadigan uzunlikka ega bo`lishi shart. 
Rezina tiqin (undagi elementlar bilan birgalikda) kolbacha og`ziga mahkamlanadi.
14-rasm. Achitqi zamburug`ining redoks potensialini o`lchashga mo`ljallangan yacheykaning chizmasi: 1-
platina, 2-elektrodi, 2-shisha naycha, 3-tarmoqlangan shisha naycha, 4-agarli sifoncha, 5-kaliy xloridning 
to`yingan eritmasi quyilgan stakan, 6-xlorlangan kumush elektrodi, 7-konus shaklidagi kolbacha. 
Yacheykaga tarmoqlangan naychaning (3) to`g`ri bandi orqali, achitqizamburug`ining 
suspenziyasi quyiladi va naycha uchi bekiladi. Mazkur naychaning boshqa uchi kompressorga 
yoki azotli ballonga ulanadi. Probkadagi agarli sifonchaning ikkinchi bandi kaliy xloridning 
to`yingan eritmasi quyilgan stakanga tushiriladi. Elektrodlarning shtekkerlari elektr tarmog`iga 
ulab qo`yiladi va pH-metrga ulanadi. 
Dastlab yacheykaga havo yuborib turib, achitqi zamburug`i suspenziyasining redoks 
potensiali o`lchab olinadi. So`ngra yacheykaga havo o`rniga azot yuborib, sistemaning redoks 
potensiali o`lchab olinadi. O`lchash ishlari har minutda takrorlanib, 60 minut davom ettiriladi. 
Olingan ma`lumotlar asosida, redoks potensiali kattaliklarini (mV) kordinata o`qiga, 
o`lchash ishlari amalga oshirilgan vaqt (min) absissa o`qiga tushirilib, achitqi zamburug`i 
suspenziyasi redoks potensialining vaqt davomida o`zgarishini aks ettiruvchi grafik chiziladi. 
Hosil qilingan grafikdan redoks sistemaga xarakterli bo`lgan parametrlarni ham topish 
mumkin.